අන්තර් බලඇණි පැසිපන්දු තරඟාවලිය ගජබා නිවහනේදි පැවැත්විණි

අන්තර් බලඇණි පැසිපන්දු තරඟාවලිය පසුගිය දින කිහිපය තුළ ගජබා බලඇණි එකොළහකගේ සහභාගීත්වයෙන් ගජබා රෙජිමේන්තු මධ්‍යස්ථානයේ දී පැවැත්වුණු අතර එහි අවසන් තරඟය 2024 ජූලි 26 වන දින 1845 පැයට ගජබා රෙජිමේන්තු පරිශ්‍රයේදී 6 වන බලඇණිය සහ 22 බලඇණිය අතර පවත්වන ලදී.

තරඟකාරීත්වයෙන් පිරි මූලික වටයේ තරඟවලින් පෙරමුණට පැමිණි 6 වන බලඇණිය සහ 22 බලඇණිය අවසන් මහ තරගයට සුදුසුකම් ලැබීය. උද්වේගකර අවසන් මහා තරගයේදී තියුණු සටනකින් පසු 6 වන බලඇණිය ගජබා රෙජිමේන්තු කණ්ඩායම 2024 අන්තර් බලඇණි පැසිපන්දු ශූරයින් බවට පත්වූයේ පිටිය පුරා තම ආධිපත්‍යය තහවුරු කරමිනි.

අවසන් දින උත්සවයේ ප්‍රධාන ආරාධිත අමුත්තා ලෙස මධ්‍යස්ථාන සේනාවිධායක සහභාගී වු අතර, නියෝජ්‍ය මධ්‍යස්ථාන සේනාවිධායක ඇතුළු රෙජිමේන්තු මධ්‍යස්ථාන මාණ්ඩලික නිලධාරින්, ඒකක අණදෙන නිලධාරිවරුන්, නිලධාරින්ගේ සහභාගීත්වයෙන් අවසන් මහා තරගය පැවැත්විණි.