22nd June 2025 21:08:45 Hours
ශ්‍රී ලංකා යුද හමුදා මාණ්ඩලික ප්‍රධානී සහ ගජබා රෙජිමේන්තු අධිපති මේජර් ජෙනරාල් එම් ජි ඩබ්ලිව් ඩබ්ලිව් ඩබ්ලිව් එම් සි බි වික්‍රමසිංහ ආර්ඩබ්ලිව්පි ආර්එස්පි එන්ඩියු පිඑස්සි එම්ඒ (අයිආර්) ජ්‍යෙෂ්ඨ නිලධාරි තුමන් විසින් ගජබා රෙජිමේන්තුවේ 8 වන බලඇණිය වෙත 2025 ජුනි 08 වන දින නිල සංචාරයක් සිදුකරන ලදි. උකුවෙල කඳවුරේ දී චාරිත්‍රානුකූල හමුදා සම්මාන මුරයක් ලබාදීමෙන් පසු අණදෙන නිලධාරිගේ ඉදිරිපත් කිරීම සමඟින් සංචාරය ආරම්භ කරන ලදී. එදින භට පිරිස් ඇමතීම, සංකේතාත්මක පැළ සිටුවීමේ උත්සවයක් සහ නිලධාරීන් සහ අනෙකුත් නිලයන් සමඟ සමූහ ඡායාරූප සඳහා සහභාගී වීමද සිදුකල අතර, මේ සියල්ල රෙජිමේන්තුවේ එකමුතුකමේ ශක්තිය සහ ආදර්ශය පිළිබිඹු කරන ලදි.
බලකඩුව කඳවුර වෙතද සංචාරය සිදුකල අතර, එහිදී රෙජිමේන්තු අධිපති තුමන් භට පිරිස් සමඟ සෘජුවම සම්බන්ධ වී බැඳීම් ශක්තිමත් කරමින් සහ චිත්ත ධෛර්යය දිරිමත් කළේය. වැඩසටහන අවසන් වූයේ නිලධාරී භෝජනාගාරයේ පැවති සජීවී අන්තර්ක්‍රියාකාරී සැසියක් සමඟ කසපැන් සංග්‍රහය සහ අමුත්තන්ගේ සමරු සටහන් පොතේ අත්සන් තැබීමෙනි. සංචාරය පුරාවටම, රෙජිමේන්තු අධිපති තුමන් රෙජිමේන්තු වටිනාකම්, නායකත්වය සහ කණ්ඩායම් ක්‍රියාකාරිත්වයේ වැදගත්කම අවධාරණය කරමින්, ගජබා රෙජිමේන්තුවේ සියලු සේවා ක්ෂේත්‍රවල විශිෂ්ටත්වය සහ වෘත්තීයභාවය සඳහා ඇති නොසැලෙන කැපවීම නැවත තහවුරු කළේය.
