ගජබා සේවා වනිතා ශාඛාව මගින් මිත්‍ර ළමා නිවාසය සඳහා පරිත්‍යාග වැඩසටහනක්

ලෝක ළමා දිනය නිමිත්තෙන් මිත්‍ර ළමා නිවාසය සඳහා විශේෂ පරිත්‍යාග වැඩසටහනක් ගජබා - සේවා වනිතා ශාඛාවේ ගරු සභාපතිනි ප්‍රියංගා වික්‍රමසිංහ මහත්මියගේ සහ ආඥාපති ආරක්‍ෂකසේනා මූලස්ථානය (යාපනය) සහ ගජබා රෙජිමේන්තුවේ රෙජිමේන්තු අධිපති මේජර් ජෙනරාල් එම් ජි ඩබ්ලිව් ඩබ්ලිව් ඩබ්ලිව් එම් සී බී වික්‍රමසිංහ ආර්ඩබ්ලිව්පි ආර්එස්පි එන්ඩියු ජ්‍යෙෂ්ඨ නිලධාරිගේ ප්‍රධානත්වයෙන් සංවිධානය කරන ලදී.

මිත්‍ර ළමා නිවාසයේ වෙසෙන දරුවන්ට අත්‍යාවශ්‍ය ද්‍රව්‍ය ලබාදීම මෙම වැඩසටහනේ අරමුණයි. එහි සිසුන් තිස්දෙනා වෙතම සේවා වනිතා ශාඛාවේ අනුග්‍රහයෙන් අත්‍යවශ්‍ය පාසල් උපකරණ අඩංගු ත්‍යාග පාර්සල් ලබාදුන් අතර, එදින තවත් සුවිශේෂී කරවීම සඳහා කුඩා දරුවන්ට මිහිරි සංග්‍රහයක්ද ලබා දෙන ලදි.

ජ්‍යෙෂ්ඨ නිලධාරීන්, නිලධාරීන් සහ සෙසු නිලයින් මෙම වැඩසටහනට සහයෝගය දැක්වීමට සහ දරුවන් සමඟ සැමරීමට මෙම අවස්ථාවට සහභාගී වූහ.