ගජබා රෙජිමේන්තුවේ නිර්මාතෘ දිවංගත මේජර් ජෙනරාල් විජය විමලරත්න සෙන්පතිඳුන්ගේ ගුණානුස්මරණය

ගජබා රෙජිමේන්තුවේ නිර්මාතෘ දිවංගත මේජර් ජෙනරාල් විජය විමලරත්න ආර්ඩබ්ලිව්පී ආර්එස්පී වීඑස්වී යුඑස්පී පීඑස්සී සෙන්පතිඳුන්ගේ 32 වන ගුණ සමරුව නිමිත්තෙන් සංවිධානය කරන ලද සමරු උත්සවයක් 2024.08.08 වන අඟහරුවාදා දින කිරිබත්ගොඩ ස්ථාපනය කර ඇති එතුමන්ගේ පිළිරුව අභියසදී එතුමන් හට පුෂ්පෝපහාර දක්වමින් සිදුකරන ලදි.

යුද්ධ හමුදාධිපති සහ ගජබා රෙජිමේන්තුවේ සහ ශ්‍රී ලංකා ජාතික ආරක්ෂක බලමුළුවේ රෙජිමේන්තු අධිපති ලුතිනන් ජෙනරාල් විකුම් ලියනගේ ආර්ඩබ්ලිව්පී ආර්එස්පී එන්ඩීයු ගේ මගපෙන්වීම යටතේ මෙම සැමරුම් උත්සවය සංවිධානය කරන ලදි. මෙම අවස්ථාව සඳහා 21ක් වන පාබළ සේනාංකයේ සේනාංකාධිපති මේජර් ජෙනරාල් ජනක පල්ලේකුඹුර ආර්ඩබ්ලිව්පී ආර්එස්පී එන්ඩීයු පිඑස්සී, හා ගජබා රෙජිමේන්තු මධ්‍යස්ථාන සේනාවිධායක බ්‍රිගේඩියර් අරුණ විජේකෝන් යුඑස්පී එන්ඩියු ඇතුළු විශ්‍රාමික හා දැනට සේවයේ නියුතු ජ්‍යෙෂ්ඨ නිලධාරීන්, නිලධාරීන්, සෙසු නිලයින් සහ මේජර් ජෙනරාල් විජය විමලරත්න සෙන්පතිඳුන්ගේ ආදරණීය පුත් කර්නල් හිරාන් විමලරත්න යූඑස්පී, එතුමන්ගේ ආදරණීය දියණිය ඇතුළු සමීපතම ඥාතීන් කිහිප දෙනෙකු සහභාගී වුහ.

7 වන බලඇණිය ගජබා රෙජිමේන්තුවේහි අණදෙන නිලධාරී මේජර් ජානක හේරත්ගේ අධීක්ෂණය යටතේ මෙම උත්සවය සංවිධානය කරන ලදී.