14th November 2024 12:30:21 Hours
2024 යුධ හමුදා අන්තර් රෙජිමේන්තු මුයිතායි ශූරතාවලිය පනාගොඩ ශ්‍රී ලංකා යුද්ධ හමුදා ශාරීරික අභ්‍යාස පුහුණු පාසැල් බොක්සිං වළල්ලේ දීපැවති අතර, මෙම තරඟාවලියේ අනුශූරතාවය ගජබා රෙජිමේන්තුව විසින් හිමිකර ගත් බව සාඩම්බරයෙන් ප්‍රකාශ කරන්නෙමු.
කෙටේරියන් ක්‍රීඩකයින් විසින් 2024 අන්තර් රෙජිමේන්තු මුයිතායි තරඟාවලියේ සියලු බර පන්ති හරහා පදක්කම් 16ක් දිනා ගනිමින් සුවිශේෂි ප්‍රතිඵල ලබා විශිෂ්ට ජයග්‍රහණයක් හිමිකර ගත් අතර, ලාන්ස් කෝප්‍රල් බංඩාර එල්එම්පිඅයි (14 ගරෙ) විසින් ඔහුගේ ආදර්ශමත් දක්ෂතාවය සහ කැපවීම මතින්හොඳම බොක්සිං ක්‍රීඩකයා ලෙස විශේෂ ඇගයීමක් ගජබා රෙජිමේන්තුව වෙත හිමිකර දෙනලදි.
ඔවුන්ගේ විධිමත් පුහුණුව, සමූහිකව කටයුතු කිරීම, කැපවීම සමඟ කැපී පෙනෙන කාර්ය සාධනය මතින් ගජබා රෙජිමේන්තුව ක්‍රීඩාවේ විශිෂ්ටත්වය නැවත වරක් ඔප්පු කර ඇති අතර, ජයග්‍රාහී කණ්ඩායම වෙත සුබ පැතුම් එක් කරමින් අනාගතයේදී තවත් ජයග්‍රහණ ලබා ගැනීමට කෙටේරියන් පවුලේ සැම විසින් ඔවුන් දිරිමත් කරන ලදි.
