සේවා වනිතා

හමුදා පවුල්වල යහපැවැත්ම සඳහා අඛණ්ඩ කැපවීමේ කොටසක් ලෙස, කමාන්ඩෝ රෙජිමේන්තු සේවා වනිතා ශාඛාව, ගනේමුල්ල රෙජිමේන්තු මූලස්ථානය, 1 වන කමාන්ඩෝ රෙජිමේන්තුව සහ 4 වන කමාන්ඩෝ රෙජිමේන්තුව, කමාන්ඩෝ රෙජිමේන්තු පුහුණු පාසල ඌව කුඩාඔය (CRTS), 2 වන කමාන්ඩෝ රෙජිමේන්තුව සහ 3 වන කමාන්ඩෝ රෙජිමේන්තුව ඇතුළුව රෙජිමේන්තු හරහා ගැබිනි කාන්තා සුභසාධන වැඩසටහන් මාලාවක් සාර්ථකව සංවිධානය කළේය.

කමාන්ඩෝ රෙජිමේන්තු සේවාවනිතා ශාඛාව විසින් 2025 ජුනි 10 වන දින පස්වරු 4.00 ට ගණේමුල්ල කමාන්ඩෝ රෙජිමේන්තු මධ්‍යස්ථානයේදී පොසොන් පොහොය නිමිත්තෙන් අයිස්ක්‍රීම් දන්සලක් සංවිධානය කරන ලදී. මෙම උත්සවය පොසොන් පොහොය සැමරීම සඳහා පවත්වන ලද අතර, ශ්‍රී ලංකාවට බුද්ධාගමේ ආගමනය සැමරීමේ උදාර අරමුණින් සහ රෙජිමේන්තු ප්‍රජාව තුළ එකමුතුකම සහ ත්‍යාගශීලීභාවය පෝෂණය කිරීමේ උදාර අරමුණින් යුතුව පැවැත්විණි.

කමාන්ඩෝ රෙජිමේන්තු සේවා වනිතා ශාඛාව මගින් 2025 අප්‍රේල් 06 වන දින වාර්ෂික සිංහල සහ හින්දු අලුත් අවුරුදු උත්සවය අභිමානයෙන් පැවැත්වු අතර, සම්ප්‍රදාය සහ එකමුතුකම සැමරීම සඳහා සොල්දාදුවන්ගේ පවුල් සහ සිවිල් කාර්ය මණ්ඩලය එක්රැස් කරන ලදී. මෙම උත්සවය සේවා වනිතා ශාඛාවේ ගරු සභාපතිනි සමින්දි වික්‍රමරත්න මහත්මියගේ මඟ පෙන්වීම යටතේ පවත්වන ලද අතර සේවාවනිතා ශාඛාවේ සාමාජිකාවන් විසින් ඉතා උසස් ලෙස සම්බන්ධීකරණය කරන ලදී.

කමාන්ඩෝ රෙජිමේන්තු සේවාවනිතා ශාඛාව විසින් ජාත්‍යන්තර කාන්තා දිනයට සමගාමිව කාන්තා සවිබල ගැන්වීමේ වැඩසටහනක් 2025 මාර්තු මස 31 වන දින 1500 පැයට කමාන්ඩෝ රෙජිමේන්තු මධ්‍යස්ථානයේදි සාර්ථකව පවත්වන ලදි. මෙම උත්සවය කමාන්ඩෝ රෙජිමේන්තු සේවාවනිතා ශාඛාවේ සභාපතිනි සමින්දි වික්‍රමරත්න මහත්මියගේ ප්‍රධානත්වයෙන් සහ සේවාවනිතා සාමාජිකාවන්ගේ සහභාගිත්වයෙන් පවත්වන ලදි. මෙම වැඩසටහන සදහා 53 වන සේනාංකයේ සේනාංකාධිපති සහ කමාන්ඩෝ රෙජිමේන්තු අධිපති මේජර් ජෙනරාල් කේඑච්එම්එස් වික්‍රමරත්න ආර්එස්පි ජ්‍යෙෂ්ඨ නිලධාරි තුමන්ද සහභාගි වන ලදි.