කමාන්ඩෝ රෙජිමේන්තු සේවා වනිතා ශාඛාව වෙතින් මෙම රෙජිමේන්තුවට අයත් සේවයේ නියුතු සිවිල් සේවක මහතුන් සදහා වියළි සලාක මලු බෙදාදීමේ වැඩසටහන

කමාන්ඩෝ රෙජිමේන්තු සේවාවනිතා ශාඛාව විසින් සංවිධානය කරන ලද වියළි සලාක මලු බෙදාහැරීමේ වැඩසටහන 2025 මාර්තු 23 වන දින ඌව කුඩාඔය කමාන්ඩෝ රෙජිමේන්තු පුහුණු පාසලේදී සාර්ථකව පැවැත්වන ලදී. මෙම වැඩසටහන 53 වන පාබල සේනාංකයේ සේනාංකාධිපති සහ කමාන්ඩෝ රෙජිමේන්තු අධිපති මේජර් ජෙනරාල් කේඑච්එම්එස් වික්‍රමරත්න ආර්එස්පී සහ සේවාවනිතා ශාඛාවේ ගරු සභාපතිනි මින්දි වික්‍රමරත්න මහත්මියගේ සංකල්පයක් මත සිදුකරන ලදී. මෙම වැඩසටහනට 22 වන පාබල සේනාංකයේ සේනාංකාධිපති මේජර් ජෙනරාල් එච්ඩීඑල්එස් පෙරේරා ආර්ඩබ්ලිව්පී ආර්එස්පී සහ රන්දිමා පෙරේරා මහත්මියගේ සහය ලැබුණි.

මෙම අවස්ථාව සදහා කමාන්ඩෝ රෙජිමේන්තු පුහුණු පාසලේ සේනාවිධායක කර්නල් යුඑස් පිලපිටියආර්එස්පී යුඑස්පී පිඑස්සී, අණදෙන නිලධාරී ලුතිනන් කර්නල් කේආර්ජේඑම්එස්බී කන්දෙවත්ත ආර්ඩබ්ලිව්පී යුඑස්පී සහ කරෙපුපාහි අනෙකුත් කාර්ය මණ්ඩලයේ අධීක්ෂණය සහ කැපවීම යටතේ ඌව කුඩා ඔය කමාන්ඩෝ රෙජිමේන්තු පුහුණු පාසලේ සේවයේ නියුතු සිවිල් කාර්ය මණ්ඩල සාමාජිකයින් 42 දෙනෙකු සඳහා මෙම වැඩසටහන මගින් සාර්ථකව ප්‍රතිලාභ ලබා දෙන ලදී.

සිංහල හා හින්දු අලුත් අවුරුදු සැමරුම් වල කොටසක් ලෙස පවත්වනු ලබන මෙම වැඩසටහන, කමාන්ඩෝ රෙජිමේන්තු සේවාවනිතා ශාඛාව විසින් මෙහෙයවනු ලබන බොහෝ සමාජ සුභසාධන වැඩසටහන් වලින් එකකි. එය කමාන්ඩෝ පවුලේ සෞඛ්‍යය හා සුභසාධනය සඳහා ඔවුන්ගේ නොසැලෙන කැපවීම පිළිබිඹු කරන අතර, මෙය කමාන්ඩෝ රෙජිමේන්තු සේවාවනිතා ශාඛාව වෙතින් සිදුකරනු ලබන පුළුල් සමාජ සුහසාධන වැඩසටහනකි.