13th November 2024 11:08:52 Hours
වෛද්‍ය බලකා සේවාවනිතා ගරු සභාපතිතුමියගේ සංකල්පයකට අනුව වෛද්‍ය බලකා සමාජිකයින්ගේ දුවා දරුවන් වෙනුවෙන් 2023 වර්ෂයේ 5 වසර ශිෂ්‍යත්ව විභාගය සමත් දූ දරුවන් හට ත්‍යාග ප්‍රධානය කිරීම සදහා වැඩසටහනක් 2024.11.09 දින 0900 පැයේ සිට වෛද්‍ය බලකායේ බලකාධිපති වන මේජර් ජෙනරල් ඩීකේඑස්කේ දොලගේ යූඑස්පී පීඑස්සී හා වෛද්‍ය බලකා සේවාවනිතා ගරු සභාපතිතුමිය වන කළ්‍යාණි විජේරත්න මැතිණියගේ ප්‍රධානත්වයෙන් යුද්ධ හමුදා රෝහල් ශ්‍රවණාගාරයේදී පවත්වන ලදී
මෙහිදී වෛද්‍ය බලකා සාමාජිකයින්ගේ 2023 5 වසර ශිෂ්‍යත්ව විභාගය සමත් දූ දරුවන් 41 දෙනෙකු හට රු 10,000.00 ක බැංකු ගිණුමක් හා පාසල් උපකරණ පිරිනමන ලදී.
මෙම වැඩසටහන සදහා රෙජිමේන්තු මධ්‍යස්ථාන සේනාවිධායක තුමා, යුද්ධ හමුදා රෝහල් අධ්‍යක‍්ෂ තුමා ඇතුළු ජ්‍යෙෂ්ඨ නිලධාරී රැසක් හා වෛද්‍ය බලකා සේවාවනිතා ශාඛාවේ ජ්‍යෙෂ්ඨ සාමාජිකාවන් රැසක් සහභාගී විය.
