ශ්‍රී ලංකා යුද හමුදාවේ ශීඝ්‍ර ව්‍යාප්තියත් සමඟ යුද හමුදාව තුළ ඉංජිනේරු සේවා අවශ්‍යතා දැඩි ලෙස වැඩි විය. එබැවින් එම අවශ්‍යතා සපුරාලීම සඳහා ස්වේච්ඡා ඒකකයක අවශ්‍යතාවය ඉංජිනේරු සේවා රෙජිමේන්තුවට දැනුණි. ඉංජිනේරු සේවා රෙජිමේන්තුව විසින් ක්‍රියාත්මක කිරීමට නියමිතව තිබූ ඉදිකිරීම් ව්‍යාපෘති ශ්‍රී ලංකා ඉංජිනේරු 4 වන (ස්වේ) ක්ෂේත්‍ර ඉංජිනේරු රෙජිමේන්තුව විසින් සිදු කරනු ලැබුවද, 4 ශ්‍රීලංඉ වෙත පවරා ඇති සියලුම ඉදිකිරීම් ව්‍යාපෘති සිදු කිරීමට නොහැකි විය.
එබැවින්, ඉංජිනේරු සේවා බලකා කර්නල් සේනාවිධායක සහ අධ්‍යක්ෂ ඉංජිනේරු සේවා බ්‍රිගේඩියර් පී ද එස් දළුවත්ත යූඑස්පී විසින් කරන ලද ඉල්ලීමකට අනුව, යුධ හමුදාපති ලුතිනන් ජෙනරාල් ආර්එස් දළුවත්ත ආර්ඩබ්ලිව්පී ආර්එස්පී යූඑස්පී ඩබ්ලිව්ඩීසී පීඑස්සී. 4 වන (ස්වේ) ඉංජිනේරු සේවා රෙජිමේන්තුව 1996 අගෝස්තු 21 දින සිට බලපැවැත්වෙන පරිදි ශ්‍රී ලංකා යුද්ධ හමුදා ස්වේච්ඡා බලකාය යටතේ ස්ථාපිත කරන ලදී.
නගා සිටුවීමේ නියෝග පරිදි, 4 වන (ස්වේ) ඉංජිනේරු සේවා රෙජිමේන්තුව පානදුර, වෑකඩ, කවිරාජ පාරේ පිහිටි 112 බසේමු බල ප්‍රෙද්ශයට අයත් ශ්‍රී ලංකා යුද්ධ හමුදා යුධෝපකරණ කම්හලට අයත් පරිශ්‍රයක ස්ථාපිත කරන ලදී. මේජර් එස්ඒඑස් සිරිවර්ධන ශ්‍රීලංඉ, මේජර් ජීආර්පී ජයතිලක ශ්‍රීලංඉ, මේජර් ඩීඑම්කේ මීගස්වත්ත ශ්‍රීලංඉ, මේජර් එන්යූඑල් ජයලත් ශ්‍රීලංඉ, මේජර් එච්ආර් හපුතොට ශ්‍රීලංඉ ඇතුළු 4 ශ්‍රී ලංකා ඉංජිනේරු (ස්වේ) ට අයත් සෙසු නිලයන් 5 කින් සමන්විත කාර්ය මණ්ඩලයක් 4 (ස්වේ) ඉංජිනේරු සේවා රෙජිමේන්තුව පිහිටුවීමට වාර්තා කරන ලදී.
1996 අගෝස්තු 21 දින මේජර් එස්ඒඑස් සිරිවර්ධන ශ්‍රීලංඉ ඒකකයේ ප්‍රථම නිල අණදෙන නිලධාරියා ලෙස වැඩ භාර ගන්නා ලදී. මේජර් ජීආර්පී ජයතිලක ශ්‍රීලංඉ පළමු අණදෙන නිලධාරියා ලෙස පත් කරන ලදී, කපිතාන් (උපා) ජීපීඑච් සෝමරත්න ශ්‍රීලංඉ පළමු උපකරණ පාලන නිලධාරියා ලෙස පත් කරන ලද අතර බනි 1 කේජී සුගතපාල පළමු රෙජිමේන්තු සැරයන් මේජර් ලෙස පත් කරන ලදී.
2004 දෙසැම්බර් 26 දින ඇති වූ සුනාමි ව්‍යසනය හේතුවෙන් පානදුර නල්ලූරුව ශ්‍රී සුමංගල පිරිමි විද්‍යාලයේ ගොඩනැගිලි සහ දේපළවලට හානි සිදු විය. පාසල එම ස්ථානයේම පවත්වාගෙන යා නොහැකි බව මවුපියන් අතිගරු ජනාධිපතිතුමාට දැන්වීමෙන් පසු වෑකඩ, 4 (ස්වේ) ඉසේරෙ කඳවුරු පරිශ්‍රයේ පාසල නැවත ස්ථාපිත කිරීමට කටයුතු කර 4 වන (ස්වේ) ඉංජිනේරු සේවා රෙජිමේන්තුව පානදුර නල්ලූරුව ශ්‍රී සුමංගල පිරිමි විද්‍යාල පරිශ්‍රයෙහි ස්ථානගත කරන ලදී.
දැනට රෙජිමේන්තුවට අණ දෙන්නේ ලුතිතන් කර්නල් ජීඒ බන්දුල යූඑස්පී එල්එස්සී ඉසේබ විසිනි. දැනට අනුමත සංස්ථාව නිලධාරීන් 58 ක් සහ සෙසු නිලයින් 1085 කි.
