1 වන ඉංජිනේරු සේවා රෙජිමේන්තුව

1 වන ඉංජිනේරු සේවා රෙජිමේන්තුවේ ඉතිහාසයේ ආරම්භක පරිච්ඡේද ඉංජිනේරු සේවා බලකායේ ඉතිහාසයට හරියටම සමාන වන අතර 1 වන ඉංජිනේරු සේවා රෙජිමේන්තුව 1950 ජනවාරි 10 දින පිහිටුවන ලද අතර, එය විකාශනය වී 1 වන වැඩ අංශය ශ්‍රී ලංකා ඉංජිනේරු ලෙස හැඳින්විණි.

එම ඒකකයේ ප්‍රථම ආරක්ෂක සේනා ඉන්ජිනේරුවරයා ලෙස එදිනම පත් කළ කපිතාන් එම්එල්ඩීඒ පෙරේරා සහ මාස කිහිපයකට පසු බඳවා ගත් මාණ්ඩලික සැරයන් ලැබ්රෝයි රෙජිමේන්තුවේ පුරෝගාමීන් ලෙස සැලකේ. කපිතාන් එම්.එල්.ඩී.ඒ පෙරේරා "ඉංජිනේරු සේවා බලකායේ පියා" ලෙසද සැලකේ. මුලදී 1 වන වැඩ අංශය ශ්‍රී ලංකා ඉංජිනේරු, යුධ හමුදා මූලස්ථාන පරිශ්‍රයේ පිහිටා ඇති අතර අනෙකුත් නිලයන් 1 වන ශ්‍රී ලංකා පාබල හමුදා භට පිරිස් සමඟ ‘Echelon‘ බැරැක්කයේ නවාතැන් ගන්නා ලදී. ඔවුන්ගේ පරිපාලනය කළේ කඳවුරු අණදෙන නිලධාරියා විසිනි.

1951 දී 1 වන වැඩ අංශය ශ්‍රී ලංකා ඉංජිනේරුවන් 3 වැඩ සේවා බලඝණ ලංකා ඉංජිනේරුවන් ලෙස නැවත නම් කරන ලදී. 1954 දී පනාගොඩ යුධ හමුදා කඳවුර ඉදිකිරීම සඳහා රුපියල් මිලියන 55 ක් වෙන් කරන ලද අතර එය පොදු වැඩ දෙපාර්තමේන්තුව විසින් සිදු කරන ලදී. එම ඒකකයට අණදෙන නියෝජ්‍ය අණදෙන නිලධාරී ලංකා ඉංජිනේරු (වැඩ) සම්බන්ධීකරණ නිලධාරියා ලෙස පත් කරන ලදී. නිල අවශ්‍යතාවය මත ඒකක මූලස්ථානය යුහමු සිට දැනට පවතින පනාගොඩ වෙත ගෙන එන ලදී. ඒකක මූලස්ථානය පිහිටියේ පොදු වැඩ දෙපාර්තමේන්තුවේ මාණ්ඩලික කාර්යාලය අසල ගොඩනැගිල්ලක ය. ලංකා පාබල හමුදාවේ 1 වන බලඇණිය විසින් වැඩ සේවා භට පිරිස් සඳහා නවාතැන් පහසුකම් සහ සලාකනය සපයන ලදී.

1957 දී නැවතත් එම ඒකකයේ නම වැඩ සේවා ලංකා ඉංජිනේරු ලෙස නැවත නම් කරන ලදී. 1992 මාර්තු 26 දිනැති 09/92 යුධ හමුදා නියෝගය අනුව එම ඒකකය 1991 නොවැම්බර් 01 දින සිට 1 වන ඉංජිනේරු සේවා රෙජිමේන්තුව ශ්‍රී ලංකා ඉංජිනේරු ලෙස නැවත නම් කරන ලදී. 2022.08.01 වන දින සිට පනාගොඩ යුද්ධ හමුදා ජනපදය ඉදිරියේ පිහිටි භූමියෙහි ප්‍රතිස්ථාපනය කරන ලදී.

දැනට ඒකකයේ අණදෙන නිලධාරි ලෙස ලුතිනන් කර්නල් පීඒඒඑස් පෙරේරා ඉසේබ කටයුතු කරනු ලබයි.