06th January 2026 09:09:44 Hours
ඉංජිනේරු සේවා බළකායේ 76 වන සංවත්සරයට සමගාමීව, කර්නල් සේනාවිධායක ඉසේබ මේජර් ජෙනරාල් කේඒඑන් රසික කුමාර එන්ඩීසී පීඑස්සී ගේ මඟ පෙන්වීම යටතේ, රෙජිමේන්තු මධ්යස්ථානයේ පිහිටි රණවිරු ස්මාරකයේදී අනුස්මරණ උත්සවයක් 2026 ජනවාරි 02 වන දින උත්කර්ෂවත් ලෙස පවත්වන ලදී.
ත්රස්තවාදී ගැටුම්වලදී ජාතියට සේවය කරමින් උත්තරීතර කැපකිරීම් කළ බලකායේ නිලධාරීන්, සෙසු නිලයන් සහ සිවිල් සේවකයින්ට ගෞරව කිරීම සහ අනුස්මරණය කිරීම සඳහා මෙම උත්සවය සංවිධානය කරන ලදී. මෙම උත්සවය බහු ආගමික වතාවත් සමඟ ආරම්භ වූ අතර, මියගිය රණවිරුවන්ට ආශිර්වාද කළ අතර, ඉන් අනතුරුව ගෞරවනීය හා උත්සවාකාර පෙළපාළියක් පැවැත්විණි, එය අවස්ථාවට ගාම්භීරත්වයක් සහ උත්කර්ෂවත් බවක් එක් කළේය.
මෙම උත්සවයේ ප්රධාන ආරාධිත අමුත්තා ලෙස බ්රිගේඩියර් වයිකේඑස් රංගික පීඑස්සී පීටීඑස්සී විසින් සහභාගී වූ අතර, කළමනාකරණ සහ නඩත්තු අධ්යක්ෂ මණ්ඩලයේ අධ්යක්ෂ බ්රිගේඩියර් එන්ඩබ්ලිව්පීඑස්එම් පෙරේරා, ආරක්ෂක සේනා මූලස්ථානය (බටහිර) බ්රිගේඩියර් පාලන හා භඨකාර්ය සම්පාදන බ්රිගේඩියර් එම්එන්ජේ පෙරේරා, ඉංජිනේරු සේවා බලකා මධ්යස්ථාන සේනාවිධායක එම්එස්ඩී පෙරේරා යූඑස්පී පීටීඑස්සී සහ ඉංජිනේරු සේවා බලකා නියෝජ්ය මධ්යස්ථාන සේනාවිධායක කර්නල් එන්එන් අබේසේකර සහ ඉංජිනේරු සේවා බලකායේ ජ්යෙෂ්ඨ නිලධාරීන්, නිලධාරීන් සහ සෙනුනිලයින් සහභාගී විය.
ජාතිය වෙනුවෙන් දිවි පිදූ රණවිරුවන්ට උපහාර දක්වන අනුස්මරණ පාඨය රෙජිමේන්තු විධායක අධිකාරී මේජර් කේඑම්ජේ පුෂ්පකුමාර එල්එස්සී ඉසේබ විසින් කියවන ලදී. මෙම අනුස්මරණ උත්සවය මනා ගෞරවයෙන් යුතුව පවත්වන ලද අතර, බලකායට සහ ජාතියට අමිල සේවයක් කළ අයවළුනට හෘදයාංගම උපහාරය පුද කරමින්, ඔවුන්ගේ උදාර කැපකිරීම් සදාකාලිකව ගෞරවයට හා මතකයේ රැඳෙන බව සහතික කරන ලදී.
