ඉංජිනේරු සේවා බළකා සේවා වනිතා ශාඛාව විසින් බළකායේ කැපී පෙනෙන සිසුන්ට ශිෂ්‍යත්ව ප්‍රදානය කරයි

ඉසේබ සේවා වනිතා ශාඛාවේ සභාපතිණි අනුපමා රත්නායක මැතිණියගේ අධීක්ෂණය සහ මගපෙන්වීම යටතේ 2025 සැප්තැම්බර් 25 වන දින පනාගොඩ ඉංජිනේරු සේවා බලකා රෙජිමේන්තු මධ්‍යස්ථානයේදී ශිෂ්‍යත්ව ප්‍රදානය කිරීමේ වැඩසටහනක් පවත්වන ලදී.

මෙම උත්සවය අතරතුර, බළකායේ නිලධාරීන්ගේ සහ සෙසු නිලයන්ගේ දරුවන්ට ඔවුන්ගේ අධ්‍යයන විශිෂ්ටත්වය අගයමින් ශිෂ්‍යත්ව සහ ත්‍යාග ප්‍රදානය කරන ලදී. 2024 අ.පො.ස. (සා/පෙළ) විභාගයේදී A සාමාර්ථ 9 ක් ලබාගත් සිසුන් සහ 2024 අ.පො.ස. (උ/පෙළ) විභාගයේදී A සාමාර්ථ 3ක් ලබාගත් සිසුන් ද ඇගයීමට ලක් කල අතර, මෙම වැඩසටහන හරහා සිසුන් 45 දෙනෙකුට ත්‍යාග පිරිනමන ලදී.

මෙම අවස්ථාවට තවදුරටත් වටිනාකමක් එක් කරමින්, මානව කුසලතා සංවර්ධන පුහුණුව පිළිබඳ සුප්‍රසිද්ධ විශේෂඥයෙකු වන සනත් ගමගේ මහතා ‘‘ඔබේ උපරිමයට ළඟා වන්නේ කෙසේද" යන තේමාව යටතේ තීක්ෂ්ණ බුද්ධිමය දේශනයක් පැවැත්වීය. ඔහුගේ මඟ පෙන්වීම සිසුන්ට සහ දෙමාපියන්ට ආස්වාදයක් ලබා දුන් අතර, අධ්‍යයන කටයුතු සහ ජීවිතය තුළ වැඩි සාර්ථකත්වයක් අත්කර ගැනීමට පෙළඹවීමක් ද ලබා දුන්නේය.

උත්සවය ඉංජිනේරු සේවා බලකායේ කර්නල් සේනාවිධායක මේජර් ජෙනරාල් කේ ඒ එන් රසික කුමාර එන්ඩීසී පීඑස්සී විසින් සංවිධානය කරන ලද අතර, මධ්‍යස්ථාන සේනාවිධායක බ්‍රිගේඩියර් එන් ඩබ්ලිව් පී එස් එම් පෙරේරා, උප සභාපතිණි අරුණි චන්ද්‍රසේකර මැතිණිය, ලේකම් දිල්රුක්ෂි ධර්මපාල මැතිණිය, ඉසේබ සේවා වනිතා ශාඛාවේ ජ්‍යෙෂ්ඨ සාමාජිකාවන්, සාමාජිකාවන් සහ බලකායේ කාන්තා නිලධාරීන්ගේ ද සහභාගීත්වය මෙම අවස්ථාවට විශාල කීර්තියක් එක් විය.

මෙම වැඩසටහන අධ්‍යයන විශිෂ්ටත්වය හඳුනා ගැනීම පමණක් නොව, අනාගත ජයග්‍රහණ සඳහා ආශ්වාදයක් ද වූ අතර, එය බලකා පවුලේ සුභසාධනය සහ ප්‍රගතිය සඳහා සේවා වනිතා ශාඛාවේ කැපවීම පිළිබිඹු කරයි.