ඉංජිනේරු සේවා බලකාය විසින් ප්‍රකාශයට පත් කරන ලද ‘75 වසරක අභිමානය’ සඟරාවේ පළමු පිටපත යුද්ධ හමුදාධිපතිතුමන් වෙත

ඉංජිනේරු සේවා බලකාය විසින් ප්‍රකාශයට පත් කරන ලද ‘75 වසරක අභිමානය’ සඟරාවේ පළමු පිටපත යුද්ධ හමුදාධිපති ලුතිනන් ජෙනරල් ලසන්ත රොද්‍රිගෝ ආර්එස්පී සීටීඑෆ් එන්ඩීයූ පීඑස්සී අයිජී වෙත ඉංජිනේරු සේවා බලකායේ බලකාධිපති මේජර් ජෙනරල් කේ.ඒ.එන් රසික කුමාර එන්ඩීසී පීඑස්සී සහ එම බලකායේ මධ්‍යස්ථාන සේනාවිධායක බ්‍රිගේඩියර් එන්.ඩි.ඩබ්.පී.එස්.එම් පෙරේරා විසින් 2025 මාර්තු මස 06 දින යුද්ධ හමුදාධිපති කාර්යාලයේදී පිරිනමන ලදී.

ඉංජිනේරු සේවා බලකාය 75 වන සංවත්සරය 2025 ජනවාරි 10 වන දින අභිමානවත් අයුරින් සමරන ලදී. ඒ අනුව, ඉංජිනේරු සේවා බලකායේ පසුගිය දශක හතහමාරක කාලය තුල එම බලකායේ ඉතිහාසය, මේ දක්වා පැමිණි ගමන් මග, එම රෙජිමේන්තුවේ ප්‍රවර්ධනය හා ජයග්‍රහණයන් වැනි වැදගත් සිදුවීම් එක් කොට ‘75 වසරක අභිමානය’ සඟරාව නිර්මාණය කරන ලදී.

පුවත් අනුග්‍රහය - www.army.lk