7(ස්වේ) ඉසේරෙ විසින් "මත්ද්‍රව්‍යවලට ඇබ්බැහි වීම සහ මත්ද්‍රව්‍ය ජාවාරම වැළැක්වීම" පිළිබඳ පුළුල් දේශනයක් සංවිධානය කරන ලදී.

ඉංජිනේරු සේවා බලකා රෙජිමේන්තු මධ්‍යස්ථානයේ උපදෙස් පරිදි, මත්ද්‍රව්‍යවලට ඇබ්බැහි වීම සහ මත්ද්‍රව්‍ය ජාවාරම වැළැක්වීම පිළිබඳ දේශනයක් 7(ස්වේ) ඉසේරෙ විසින් සංවිධානය කර පවත්වනු ලැබූ අතර, එය නාරාහේන්පිට හමුදා රෝහල් ශ්‍රවණාගාරයේදී 2024.11.27 දින පැවැත්විණි . 71 ව්‍යාපෘති බලඝණය නිලධාරීන් 4 දෙනෙකු සහ සෙබළුන් 264 දෙනෙකු සහභාගී වූ මෙම සැසිය සද්ධම් ආර්ය පදනමේ සම නිර්මාතෘ සහ කීර්තිමත් මනෝ වෛද්‍යවරයෙකු වන වෛද්‍ය ගයාන් ජයවර්ධන මහතා විසින් පවත්වන ලදී. ඇබ්බැහි වීම පිළිබඳ දැනුවත් කිරීමේ වැඩසටහන් රාශියක් පැවැත්වීම සඳහා ප්‍රසිද්ධ වෛද්‍ය ජයවර්ධන, මත්ද්‍රව්‍ය ජාවාරමේ අභියෝගවලට මුහුණ දෙමින් මත්ද්‍රව්‍ය භාවිතයට එරෙහිව සටන් කිරීම සඳහා වටිනා අවබෝධයක් ලබා දුන්නේය. දේශනය අවසන් කරන ලද්දේ මහල් 15 කින් යුත් හමුදා රෝහල් ඉදිකිරීම් භූමියේ සේවය කරන සොල්දාදුවන් පෞද්ගලිකව අමතමිනි.