17 වන ඉංජිනේරු සේවා රෙජිමේන්තුවේ 10 වන සංවත්සරය

17 වන ඉංජිනේරු සේවා රෙජිමේන්තුව 2024 නොවැම්බර් 11 වන දින සිය 10 වන සංවත්සරය සමරනු ලැබීය. සංවත්සර දින අණදෙන නිලධාරි ලුතිතන් කර්නල් ඊ ඒ ඩී පී එදිරිසිංහ එල්එස්සී ඉසේබ හට කඳවුරු සම්මාන මුරයක් ලබාදී තත් ජ්‍යෙෂ්ඨ නිලධාරි වෙත අලංකාර සම්මාන පෙළපාලියක් ලබාදීමෙන් වැඩසටහන් ආරම්භ විය. ඉන් අනතුරුව යෝජිත කොනොනි සමාජ ශාලාවට මුල්ගල් තැබීම සහ එදින සිහිගන්වනු වස් පැලයක් රෝපණය කිරීම සිදු කරන ලදී. ඉන් පසු සියලුම නිල දිවා භෝජන සංග්‍රහයක්ද පැවැත්විණ.

ඊට සමගාමීව සංවත්සර දිනය නිමිත්තෙන් භට පිරිස් සහ සිවිල් සේවකයන් වෙනුවෙන් ආගමික හා විනෝදාත්මක වැඩසටහන් රැසක් ද සංවිධානය කරන ලදී. බෝධි පූජා සහ ධර්ම දේශනා වැඩසටහන, මෙත්සෙවණ ළමා නිවාසයට දිවා ආහාරය සහ අවශ්‍ය ද්‍රව්‍ය ලබාදීම, විනෝදාස්වාද කටයුතු, දේවස්ථානයෙන් සහ කෝවිලෙන් ආශිර්වාද ලබා ගැනීම එම සුවිශේෂී සිදුවීම් අතර විය. මෙම අවස්ථාවන් සඳහා ආරක්ෂක සේනා මූලස්ථාන (මධ්‍යම) බලප්‍රදේශය පුරා පැතිරී ඇති 17 ඉසේරෙට අයත් ආරක්ෂක සේනා ඉංජිනේරු ස්ථාන වලට අයත් නිලධාරීන් සහ සෙසු නිලයින් සහභාගී වූහ.