4(ස්වේ) ඉංජිනේරු සේවා රෙජිමේන්තුව වෙත මධ්‍යස්ථාන සේනාවිධායකගේ පැමිණීම

ඉංජිනේරු සේවා බලකායේ මධ්‍යස්ථාන සේනාවිධායක බ්‍රිගේඩියර් එන්ඩබ්ලිව්පීඑස්එම් පෙරේරා 2024 නොවැම්බර් 19 වන දින පානදුරේ පිහිටි 4 වන (ස්වේ) ඉංජිනේරු සේවා රෙජිමේන්තුව, (4(ස්වේ) ඉසේරෙ) වෙත පැමිණියේය.

මධ්‍යස්ථාන සේනාවිධායක, 4(ස්වේ) ඉසේරෙ අණදෙන නිළධාරී ලුතිනන් කර්නල් ජීඒ බන්දුල යූඑස්පී එල්එස්සී ඉසේබ විසින් පිළිගැනීමෙන් අනතුරුව ඇතුල්වීමේ දොරටුව අසලදී කඳවුරු සම්මාන මුරයක් පිරිනමන ලදී.

වැඩසටහනට සමගාමීව, මධ්‍යස්ථාන සේනාවිධායක විසින් පරිශ්‍රයේ අඹ පැළයක් රෝපණය කළ අතර, සිය සංචාරය සනිටුහන් කිරීම සඳහා නිලධාරීන් සමඟ සමූහ ඡායාරූපයකට ද පෙනී සිටියේය.

ඉන් අනතුරුව මධ්‍යස්ථාන සේනාවිධායක විසින් ඒකකයේ පරිපාලන කටයුතු පරීක්ෂා කළ අතර, ඒකකයේ පරිපාලන කටයුතු සම්බන්ධයෙන් 4 (ස්වේ) ඉසේරෙ හි නිලධාරීන් සහ පරිපාලන කාර්ය මණ්ඩලය ඇමතීය.

ඔහුගේ සංචාරය සහ රෙජිමේන්තු ඉතිහාසය තහවුරු කරන සම්ප්‍රදායක් වන නරඹන්නන්ගේ පොතට අත්සන් කිරීමෙන් ඔහු සිය සංචාරය අවසන් කළේය. මෙම වැදගත් සිදුවීම රෙජිමේන්තුවේ වෘත්තීයභාවය, කැපවීම සහ ශ්‍රී ලංකා හමුදාව තුළ ඇති වැදගත් කාර්යභාරය ඉස්මතු කරමින් ඒකකය තුළ ඇති බැඳීම් තවදුරටත් ශක්තිමත් කළේය.

ඉංජිනේරු සේවා බළකායේ රෙජිමේන්තු මධ්‍යස්ථානයේ මාණ්ඩලික නිලධාරීහු මෙම සංචාරයට සහභාගි වූහ.