23rd July 2024 23:40:27 Hours
2024 ජූලි 21 වන දින යුද්ධ හමුදා ලේකම් සහ ඉංජිනේරු සේවා බලකායේ කර්නල් සේනාවිධායක මේජර් ජෙනරාල් අයි ඒ එන් බී පෙරේරා ආර්ඩබ්පි යූඑස්පී එන්ඩීයූ පීඑස්සී, ගේ ගෞරවනීය පැමිණීම 17 ඉසේරෙ විසින් පිළිගනු ලැබීය.
මේජර් ජෙනරාල් බුද්ධික පෙරේරා, අණදෙන නිලධාරී ලුතිනන් කර්නල් ඊ ඒ ඩී පී එදිරිසිංහ එල්එස්සී ඉසේබ විසින් උණුසුම් පිළිගැනීමකින් දිනය ආරම්භ කරන ලද අතර, අනතුරුව රෙජිමේන්තුවේ විනය සහ නිරවද්‍යතාවය විදහා දක්වමින් කර්නල් සේනාවිධායක තුමාට අතිවිශිෂ්ට කඳවුරු සම්මාන මුරයක් පිරිනමන ලදී. ඉන් අනතුරුව, ඒකකයේ කාර්යයන් සහ ක්‍රියාදාමයන් පිළිබඳව සවිස්තරාත්මක විස්තරයක් ලබාදීමට අණදෙන නිළධාරීවරයා අවස්ථාව ලබා ගත්තේය. මෙමඟින් ඒකකයේ මෙහෙයුම්, අභියෝග සහ ජයග්‍රහණ පිළිබඳ වටිනා අවබෝධයක් ලබා දුන් අතර, 17 ඉසේරෙ හි කාර්ය මණ්ඩලය විසින් උරදී ඇති වගකීම් පිළිබඳ ගැඹුරු අවබෝධයක් ද එක් කරන ලදී.
කර්නල් සේනාවිධායක සහ එම ඒකකයේ නිලධාරින් සමඟින් එම සුවිශේෂී අවස්ථාව රූගත කරමින් සමූහ ඡායාරූපයක් ගන්නා ලද අතර, අනතුරුව සංචාරය සංකේතවත් කිරීම සඳහා පරිශ්‍රයේ අඹ පැළයක් රෝපණය කරන ලදී.
පසුව, කර්නල් සේනාවිධායක විසින් සියලු නිලයන් අමතා මනා විනයක් පවත්වාගැනීම, වෘත්තීයභාවය රැකගැනීම, මූල්‍ය කටයුතු සඳහා නිවැරදි ක්‍රියාපටිපාටි පවත්වාගෙන යාම, මත්ද්‍රව්‍ය නිවාරණය සඳහා ක්‍රියාමාර්ග ගැනීම සහ දැඩි පුහුණුවක අඛණ්ඩ අවශ්‍යතාව අවධාරණය කළේය. අනතුරුව 17 ඉසේරෙ විසින් සංවිධානය කරන ලද තේ පැන් සංග්‍රහයකට සහභාගී විය.
කර්නල් සේනාවිධායක විසින් සෙබළුන්ට පවතින සුබසාධන පහසුකම් පිළිබඳව විශේෂ අවධානයක් යොමු කරමින් කඳවුරු පරිශ්‍රය පරීක්ෂා කිරීමක් සිදු කරන ලදී. ඔහු 17 ඉසේරෙ හි නිලධාරීන්, අනෙකුත් නිලයන් සහ සිවිල් කාර්ය මණ්ඩලය සමඟ සුහද පිළිසඳරක යෙදීමට මෙය අවස්ථාවක් කර ගත්තේය.
සාමාන්‍ය ලෙස, කර්නල් සේනාවිධායක ඉසේබ විසින් අමුත්තන්ගේ පොතට අත්සන් තැබූ අතර, එය සංචාරය පිළිබඳ ප්‍රත්‍යක්ෂ වාර්තාවක් ඉතිරි කළේය. මෙම ක්‍රියාව මෙම සංචාරය පමණක් නොව කර්නල් සේනාවිධායක සහ ඒකකය අතර පවතින සහයෝගීතාවය සහ සුහදතාවය සංකේතවත් කළේය.
ඉංජිනේරු සේවා බලකා මධ්‍යස්ථාන සේනාවිධායක, බ්‍රිගේඩියර් කේ එල් මුණසිංහ යූඑස්පී ද මෙදින වැඩසටහනට සහභාගී විය.
