කර්නල් සේනාවිධායක ඉසේබ ‘ක්‍රියේටර්ස්‘ පවුලට අලුතින් පත් කරන ලද නිලධාරීන් සාදරයෙන් පිළිගනී

ඉංජිනේරු සේවා බළකායේ කර්නල් සේනාවිධායක සහ ශ්‍රී ලංකා යුද හමුදාවේ අධ්‍යක්ෂ ජනරාල් මූල්‍ය කළමණාකරණ මේජර් ජෙනරාල් ලංකා අමරපාල ආර්ඩබ්පී ආර්එස්පී එන්ඩීසී පීඑස්සී විසින් ඉංජිනේරු සේවා බලකාය වෙත අලුතින් පත් කරන ලද නිලධාරින් 2024.03.26 වන දින රෙමඉසේබ හිදි පිළිගන්නා ලදී.

මෙම විශේෂ පිළිගැනීමට ගෞරවනීය ඉංජිනේරු සේවා බලකාය වෙත ගමනක ආරම්භය සනිටුහන් කරමින් සම්භාවනීය බලකා ටයි සහ ‘කෆ්ලින්ක්‘ ප්‍රදානය කිරීමද සිදුවිය. කර්නල් සේනාවිධායක, මේජර් ජෙනරාල් ලංකා අමරපාල ගේ මගපෙන්වීම සහ නායකත්වය යටතේ, මෙම බඳවා ගැනීමේ උත්සවය නව නිලධාරීන් කණ්ඩායමට පිළිගැනීම පමණක් නොව, ඔවුන් තුළ අභිමානයක්, අයිතිවාසිකමක් සහ වගකීමක් පිළිබඳ හැඟීමක් ඇති කළේය. සම්ප්‍රදායේ, සුහදතාවයේ සහ රටට කරන සේවයේ වැදගත්කම අවධාරණය කරමින්, සේනාංකය තුළ ඔවුන්ගේ අනාගත ප්‍රයත්නයන් සැකසීය.

මධ්‍යස්ථාන සේනාවිධායක බ්‍රිගේඩියර් කේ.එල් මුණසිංහ යූඑස්පී, බ්‍රිගේඩියර් (පාලන හා භකාස) - 1 බළකාය, බ්‍රිගේඩියර් එන්ඩබ්ලිව්පීඑස්එම් පෙරේරා, ජ්‍යෙෂ්ඨ නිලධාරීන් සහ නිලධාරින් මෙම සුවිශේෂී අවස්ථාවට සහභාගී විය.