20th November 2023 15:33:00 Hours
ඉංජිනේරු සේවා බලකායේ විශ්‍රාමික නිලධාරීන් සහ සෙසු නිලයින් සඳහා සුහද හමුවක් 2023 නොවැම්බර් 19 වන දින ඉංජිනේරු සේවා බලකායේ රෙජිමේන්තු මධ්‍යස්ථානයේදී සංවිධානය කරන ලදී. ශ්‍රී ලංකා යුද්ධ හමුදාධිපතිතුමාගේ මඟපෙන්වීම සහ ඉංජිනේරු සේවා බලකායේ කර්නල් සේනාවිධායකගේ සංකල්පය අනුව විශ්‍රාමික නිලධාරීන්ගේ සහ විශ්‍රාමික සෙසු නිලයින්ගේ සුභසාධනය ප්‍රවර්ධනය කිරීමේ අර්ථවත් දේශනයකින් උත්සවය ආරම්භ විය..
පනාගොඩ ඉංජිනේරු සේවා බලකා රෙජිමේන්තු මධ්‍යස්ථානයේ දී පැවති ඉසේබ ප්‍රවීණයන්ගේ දිනය ඉංජිනේරු සේවා බලකාය නිර්වචනය කරන සේවයේ සහ පරිත්‍යාගයේ උරුමයට උපහාර පුද කරමින් සිදුකල අර්ථවත් අවස්ථාවක් විය. ඉංජිනේරු සේවා බලකාය අඛණ්ඩව ඉදිරියට යන විට, මෙම දිනය බලකාය තුළ හමුදා සාමාජිකයින්ගේ පරම්පරාවන් එක්සත් කරන රාජකාරියේ සහ ගෞරවයේ කල් පවතින ආත්මීය සිහිපත් කිරීමක් ලෙස හුවා දැක්විය හැක.
මෙම අවස්ථාව ප්‍රවීණයන්ට ඔවුන්ගේ අත්දැකීම් බෙදා ගැනීමට වේදිකාවක් සැපයූ අතර, ඉංජිනේරු සේවා බලකායට තම ජීවිතය කැප කළ අය අතර සම්බන්ධතාවයේ සහ සහයෝගීතාවයේ හැඟීමක් ඇති කළේය. සහභාගිවන්නන්ට සංවාදවල නියැලීමට, ඔවුන්ගේ ගැටළු හඳුනා ගැනීමට සහය ලබා දීමට සහ විසඳුම් ක්‍රියාත් අදහස් හුවමාරු කර ගැනීමට සහ ඔවුන් සුහද පිළිසදරක යෙදීමට අවස්ථාව ලැබුණි.
ඉසේබ මධ්‍යස්ථාන සේනාවිධායක කර්නල් වයිකේඑස් රංගික පීඑස්සී පීටීඑස්සී විසින් කර්නල් සේනාවිධායක ඉසේබ නියෝජනය කරමින් ප්‍රධාන ආරාධිත අමුත්තා ලෙස සහභාගී වූ අතර ඉසේබ හි නියෝජ්‍ය මධ්‍යස්ථාන සේනාවිධායක කර්නල් එම්එස්ඩී පෙරේරා යූඑස්පී පීටීඑස්සී ඇතුළු ජ්‍යෙෂ්ඨ නිලධාරීන්, නිලධාරීන් සහ විශ්‍රාමික නිලධාරීන් සහ සෙසුනිලයින් රැසක් මෙම අවස්ථාවට සහභාගී වූහ.
