මේජර් ජෙනරල් ලංකා අමරපාල ආර්ඩබ්ලිව්පී ආර්එස්පී එන්ඩීසී පීඑස්සී 4 ඉංජිනේරු සේවා රෙජිමේන්තුවට පැමිණෙන ලදී.

මේජර් ජෙනරල් ලංකා අමරපාල ආර්ඩබ්පී ආර්එස්පී එන්ඩීසී පීඑස්සී, මූල්‍ය කළමනාකරණ අධ්‍යක්ෂ ජෙනරල් සහ ඉංජිනේරු සේවා බළකා කර්නල් සේනාවිධායක, පානදුර 4 වන ඉංජිනේරු සේවා රෙජිමේන්තුවේ 2023 නොවැම්බර් 28 දින සංචාරයක නිරත වෙමින් සුහදත්වයේ දිනයක් සනිටුහන් කරන ලදී.

කර්නල් සේනාවිධායක ප්‍රධාන දොරටුව වෙත පැමිණෙන විට, වැ.බ. අණදෙන නිලධාරී මේජර් ඩබ්ලිව්සී දේශප්‍රිය ඉසේබ විසින් උණුසුම් පිළිගැනීමෙන් පසු කදවුරු සම්මාන මුරයක් පිරිනමන ලදී.

අනතුරුව, අණදෙන නිලධාරී විසින් කර්නල් සේනාවිධායක වෙත ඒකකයේ කාර්යයන් සහ වගකීම් පිළිබඳව දැනුවත් කරන ලද අතර, 4 (ස්වේ) ඉසේරෙ හි හමුදාව සඳහා සහය දැක්වීම සහ වැඩිදියුණු කිරීම සඳහා ඉටු කරන වැදගත් කාර්යභාරය පිළිබඳ අවබෝධයක් ලබා දෙන ලදී.

සංචාරය අතරතුර වැදගත් අවස්ථාවක් වූයේ පැළයක් සිටුවීමයි. ඉන් අනතුරුව සමූහ ඡායාරූපයක් ද ගන්නා ලදී. පසුව, කර්නල් සේනාවිධායක විසින් සියළුම නිළයන් අමතා මනා විනයක් පවත්වාගැනීම, වෘත්තීයභාවය රැකගැනීම, මුල්‍ය කටයුතු සම්බන්ධයෙන් නිවැරදි ක්‍රියාපටිපාටි පවත්වාගෙන යාම, මත්ද්‍රව්‍ය නිවාරණය සඳහා ක්‍රියාමාර්ග ගැනීම සහ දැඩි පුහුණුවක අඛණ්ඩ අවශ්‍යතාවය පිළිබඳව අවධාරණය කරන ලදී.

කර්නල් සේනාවිධායක විසින් කඳවුරු පරිශ්‍රය (කාර්මික දැව වැඩමුළුව, වෙල්ඩින් අංශය, ඇලුමිනියම් අංශය) පරීක්ෂාවට ලක් කරන ලද අතර සෙබළුන්ට පවතින සුභසාධන පහසුකම් පිළිබඳව විශේෂ අවධානයක් යොමු කරන ලදී. 4 වන ඉංජිනේරු සේවා රෙජිමේන්තුවේ නිලධාරීන්, සෙසු නිලයින් සහ සිවිල් කාර්ය මණ්ඩලය සමඟ කටයුතු කිරීමට ද ඔහු මෙය අවස්ථාවක් කර ගත්තේය.

නිළධාරීන්ගේ නිවස්නයේ දී කර්නල් සේනාවිධායක විසින් අමුත්තන්ගේ සටහන් පොතෙහි අත්සන් කිරීමත් සමඟ සංචාරය අවසන් විය. මෙම අවස්ථාවේ ඒකකය විසින් පිරිනමන ලද ආගන්තුක සත්කාරය සඳහා වන ගෞරවය සහ අගය කිරීම හුවාදැකුවූ අතර එම සංචාරය ඒකකයේ ඉතිහාසය තුළ අමරණීය සිහිවටනයක් එක් කරන ලදී. මෙම උත්සවය කාර්ය මණ්ඩලය අතර සමගිය සහ අදහස් බෙදා හදා ගනිමින් සුහදත්වය සඳහා අවස්ථාවක් ලබා දුන්නේය.

4 ඉංජිනේරු සේවා රෙජිමේන්තුව (ස්වේ) වෙත කර්නල් සේනාවිධායකගේ සංචාරය සාමාන්‍ය නිරීක්ෂණයක් පමණක් නොව එකමුතුකම, වර්ධනය සහ කැපවීම සැමරීමක් විය. කදවුර වෙත පැමිණීමේ සිට පැළ සිටුවීම දක්වා දවසේ සිදුවීම් ඒකකයේ ශක්තිය සහ ඔරොත්තු දීමේ හැකියාව පෙන්නුම් කළේය. කර්නල් සේනාවිධායක නික්ම යන විට, සුහදත්වයේ සහ හවුල් අරමුණේ දෝංකාරය 4 (ස්වේ) ඉසේරෙ හි සාමූහික ආත්මය මත නොමැකෙන සලකුණක් ඉතිරි කළේය.

ඉංජිනේරු සේවා බලකා මධ්යසස්ථාන සේනාවිධායක කර්නල් වයිකේඑස් රංගික පීඑස්සී පීටිඑස්සී මෙදින වැඩසටහනට සහභාගී විය.