25th April 2024 10:20:49 Hours
ඉංජිනේරු සේවා බළකායේ රෙජිමේන්තු මධ්‍යස්ථානයේදී, අප්‍රේල් 17 වැනි බදාදා දින සියලුම නිලයන් ගේ සුහද හමුවකට අමතරව, අලුත් අවුරුද්ද සැමරීම සඳහා සම්ප්‍රදායික තේ මේසයක් ද සංවිධානය කරන ලදී. අධ්‍යක්ෂ ජනරාල් මූල්‍ය කළමනාකරණ සහ ඉංජිනේරු සේවා බලකායේ කර්නල් සේනාවිධායක මේජර් ජෙනරාල් ලංකා අමරපාල ආර්ඩබ්පී ආර්එස්පී එන්ඩීසී පීඑස්සී, ප්‍රධාන ආරාධිත අමුත්තා ලෙස මෙම අවස්ථාවට සහභාගී විය.
සපැමිණි, කර්නල් සේනාවිධායක, ඉංජිනේරු සේවා අධ්‍යක්ෂ බ්‍රිගේඩියර් වයිකේඑස් රංගික පීඑස්සී පීටීඑස්සී විසින් උණුසුම් ලෙස පිළිගන්නා ලදී. කර්නල් සේනාවිධායක විසින් රැස්ව සිටි පිරිසට අලුත් අවුරුදු සුභ පැතුම් පිරිනැමීය.
තේ මේසය කිරිබත් සමග විවිධ සාම්ප්‍රදායික රසකැවිලි වර්ග වලින් සරසා තිබුණි. කර්නල් සේනාවිධායක සහ අනෙකුත් ජ්‍යෙෂ්ඨ නිලධාරීන් සහභාගිවන්නන් සමඟ සුහදව කටයුතු කළ අතර, ඔවුන්ගේ අලුත් අවුරුදු සුබ පැතුම් සහ සිතුවිලි රැස්ව සිටි පිරිස සමඟ බෙදා ගත්හ.
ඉසේබ කර්නල් සේනාවිධායක, මේජර් ජෙනරාල් ලංකා අමරපාල ආර්ඩබ්පී ආර්එස්පී එන්ඩීසී පීඑස්සී ගේ සංකල්පයකට අනුව, ඉංජිනේරු සේවා බලකා රෙජිමේන්තු මධ්‍යස්ථානයේ සේවය කරන සිවිල් සේවකයින් වෙත තෑගි පාර්සල් බෙදා දීම මෙම අවස්ථාව සනිටුහන් කරන ලදී.
අධ්‍යක්ෂ ඉංජිනේරු සේවා බ්‍රිගේඩියර් වයි කේ එස් රංගික පීඑස්සී පීටීඑස්සී , මධ්‍යස්ථාන සේනාවිධායක ඉසේබ බ්‍රිගේඩියර් කේඑල් මුණසිංහ යූඑස්පී, නියෝජ්‍ය මධ්‍යස්ථාන සේනාවිධායක ඉසේබ කර්නල් එම්එස්ඩී පෙරේරා යූඑස්පී පීටීඑස්සී සහ අනෙකුත් ජ්‍යෙෂ්ඨ නිලධාරීන්, නිලධාරීන්, අනෙකුත් නිලයන් සහ සිවිල් කාර්ය මණ්ඩලය ද මෙම උත්සවයට සහභාගි වූහ.
