15th January 2025 21:59:00 Hours
ඉංජිනේරු සේවා බලකා සේවා වනිතා ශාඛාවේ සභාපතිණි අනුපමා රත්නායක මැතිණියගේ ගෞරවණීය මඟ පෙන්වීම යටතේ, ඉසේබ සේවා වනිතා ශාඛාව විසින් 2025 ජනවාරි 15 වන දින පනාගොඩ රෙජිමේන්තු මධ්‍යස්ථානයේදී පාසල් උපාංග බෙදා හැරීමේ වැඩසටහනක් සංවිධානය කරන ලදී. මෙම වැදගත් සිදුවීම ඉංජිනේරු සේවා බළකා නිලධාරීන්ගේ සහ සෙබළුන්ගේ දරුවන්ට, විශේෂයෙන් ඉදිරි අධ්‍යයන වර්ෂයේදී 01 ශ්‍රේණියට ඇතුළත් වන දරුවන් මූලික කරගනිමින් සිදුකෙරිණි.
හමුදා සාමාජිකයින්ගේ දූ පුතුන් වන මෙම තරුණ ඉගෙනුම ලබන අයට අවශ්‍ය අධ්‍යාපනික අවශ්‍යතා සමඟ ඔවුන්ගේ අධ්‍යාපන ගමන ආරම්භ කිරීම සහතික කිරීම මෙම ත්‍යාග බෙදා හැරීමේ අරමුණ විය. පාසල් බෑග්, ලිපි ද්‍රව්‍ය සහ 1 ශ්‍රේණියේ දරුවන්ට අවශ්‍ය සියලුම පොත් ඇතුළත් පාසල් උපාංග පාර්සල් 348 ක් දරුවන් අතර බෙදා දෙන ලදී.
මෙම අවස්ථාවට ඉසේබ සේවා වනිතා ශාඛාවේ සභාපතිණි අනුපමා රත්නායක මැතිණිය, ඉසේබ සේවා වනිතා ශාඛාවෙහි උප සභාපතිණි අරුණි චන්ද්‍රසේකර මැතිණිය, ඉසේබ සේවා වනිතා ශාඛාවෙහි භාණ්ඩාගාරික දිල්රුක්ෂි ධර්මපාල මැතිණිය සහ ශාඛාවේ අනෙකුත් කීර්තිමත් ජ්‍යෙෂ්ඨ සාමාජිකාවන් සහභාගී වූහ. ඔවුන්ගේ පැමිණීම මෙම මුලපිරීමේ වැදගත්කම අවධාරණය කළ අතර, ඉංජිනේරු සේවා බලකායේ සාමාජිකයින්ගේ සහ ඔවුන්ගේ පවුල්වල සුභසාධනය සඳහා ඉසේබ සේවා වනිතා ශාඛාවේ අඛණ්ඩ කැපවීම පිළිබිඹු කරයි.
