අණදෙන නිලධාරි වරුන් - 5ශ්‍රීලංජාආබමු

5 වන ශ්‍රී ලංකා ජාතික ආරක්ෂක බළමුළුව

‍1990 වර්ෂයේ මැද භාගයේ උත්සන්න වු ඊලාම් වර්ගවාදින්ගේ මිලේච්ඡ ක්‍රියා මැඩ පැවැත්වීම සදහා අවශ්‍ය වු භඨපිරිස් ඌණතාවය වෙනුවෙන් සේනාංක, බළසේනා සහ ආඥා ප්‍රදේශ මුලස්ථාන මට්ටමින් ස්වේච්ඡා බළසේනාව වෙත ආධුනික සෙබලුන් බදවා ගැනිමට එවකට 2 වන සේනාංකාධිපතිව සිටි දිවංගත ලුතිතන් ජෙනරාල් ඩෙන්සිල් කොබ්බෑකඩුව ආර්එස්පි යුඑස්පි යන ජ්‍යෙෂ්ඨ නිළධාරිගේ යෝජනාවක් අනුව ත්‍රිකුණාමලය, අම්පාර, වව්නියාව,අනුරාධපුරය, පොලොන්නරුව යන දිස්ත්‍රික්කයන්හි පිහටි මායිම් ගම්මාන ආරක‍ෂා කිරිමේ කාර්ය්‍ය සදහා මුර බළඇණි නමින් බළඇණි 05 ක් ආරම්භ කර එම ප්‍රදේශයන් තුලම සිටින තරුණයින් ස්වේච්ඡා බලසේනාවට බදවාගෙන ගම්මාන ආරක‍ෂා කිරිමේ රාජකාරින් වල නිරත කරවන ලදි. ඒ අනුව 1990 නොවැම්බර් මස 01 දින මේජර් ඩීඑස්සි ගනේගොඩ කේඑස්වි ශ්‍රීලයුසේබ යන ජ්‍යෙෂ්ඨ නිිළධාරිගේ අණදීම යටතේ ආරම්භ වූ මෙම ඒකකය තම ඒකක මූලස්ථානය 3 ශ්‍රීලයුුසේබ තිසාවැව කදවුරේ කොටසක පිහිටුවා ගනිමින් එවකට සම්බන්ධිකරණ මූලස්ථානය අනුරාධපුර යටතේ පාලනය වූ අනුරාධපුර දිස්තික්කයේ බටහිර හා අනුරාධපුර නැගෙනහිර වශයෙන් තිබු කොට්ඨාශ දෙකකට අයත් හොරොව්පොතාන, පරංගියාවාඩිය, දියතිත්තවැව, දෙමටවැව, යාංඔය, විල්පත්තුව, පේමඩුව, කටුපොත, දුණුමඩලාව, තන්තිරිමලය,ගජසිංහපුර, විජයගම, ජයලත්ගම හා මාන්කුලම් යන මායිමි ගමිමාන වල රාජකාරිකල 3 ශි්‍රලසසබ, 5(සෙව්)ශ්‍රීලංසිිරෙ, 5(සෙව්) ගරෙ හා 2(සෙව්) විපාරෙ යන ස්වෙච්ඡා ඒකක වලට අනුයුක්ත කර තම භඨපිරිස් රාජකාරියේ යෙදවීමට සිදුවිය.

‍1990 අගෝස්තු මස 24 දින 5 වන මුර බළඇණියේ ආරම්භක සාමාජිකයින් වශයෙන් එක්වූ භඨපිරිස් අනුරාධපුර දිස්ත්‍රීක්කයේ ත්‍රස්තවාදී තර්ජන බහුලව පැවති මායිම් ගම්මාන වල අනුකණ්ඩ ස්ථාපිත කර තිබූ 3 ශ්‍රිලසසබ, 5(සෙව්)ශ්‍රීලංසිරෙ, 5(සෙව්) ගරෙ හා 2(සෙව්) වීපාරෙ යන ඒකක භඨපිරිස් හි සහය සදහා යාකරන ලදි. ප්‍රථමයෙන් ඔවුන්ගේ පුද්ගලික අවිය වශයෙන් 303 අවිය නිකුත් කරන ලද අතර, කුඩාමල්ල හා මහමල්ල ඔවුන්ගේ සෙසු ආම්පන්න විය. අත් කොට රට වෙරඵපැහැ නිල ඇදුම හා රට වෙරඵ පැහැ මඩ කාකි ඇදුම හා තොප්පිය නිල ඇඳුම විය. සෙබලුන්ගේ පාලන කටයුතු පිලිබදව සොයා බැලිම සදහා පත්කර සිටින ලද්දේ කපිතන් කේපි සෙනවිරත්න ශ්‍රීලසසබ යන නිලධාරි පමණි. එම තත්වය ක්‍රම ක්‍රමයෙන් වෙනස් වෙමින් 1991 වර්ෂයේ ආරම්භයත් සමගම ඒකකය වෙත අණදෙන නිලධාරිගේ ආගමනය සිදුවිය. ඒකක භඨ පිරිස් වෙත පුරෝගාමි බලකායේ අංකයන් නිකුත් කර එම රෙජිමේන්තුවේ ලාංඡන පැලදීමට අනුමැතිය ලැබුනි. 1991 වසරේ මැදභාගය වනවිට 303 අවිය වෙනුවට එස්එල්ආර් අවිය ආදේශ වූ අතර සමහර සෙනීන්ගේ පුද්ගලික අවිය ලෙස ජි 3 ඒ 3 අවිය නිකුත් කරන ලදි.

‍1991 නොවැම්බර් මස 01 දින දින 5 වන බළඇණිය ශ්‍රී ලංකා ජාතික ආරක‍්ෂක බලමුඵවේ උපත සිදුවීමත් සමග නවීන අවි ආයුධ වලින් සන්නද්ද වීම, උසස්වීම් සිදු කිරීම, යුද හමුදා පාඨමාලාවන් ලැබීම, ඇදුම් ආයිත්තම් ලැබී තමන්ටම ආවේණික ලාංඡන ධජ ලැබීමෙන් ඒකකයේ සෙබඵන් තුල චිත්ත ධෛර්‍ය වර්ධනය විය. මෙහි පහත නම් සදහන් නිලධාරින් තිදෙනා කෙඩෙට් නිලධාරි පාඨමාලාව අවසානයේ 2/ලුතිතන් වරුන් වශයෙන් 1991 දෙසැම්බර් මස 07 වන දින එකකයේ ප්‍රථම නිලධාරින් වශයෙන් පැමිණිම ඒකකයට ආභරණයක් විය.

‍නි/3601 2/ලූතිතන් එන්යුජෙඑස් ගුණවර්ධන
නි/3611 2/ලූතිතන් කේකේ සුදර්ශණ
නි/3617 2/ලූතිතන් බීආර්ඩබ්එම්ආර්ඒබ තෝරදෙනිය

ත්‍රස්තවාදී තර්ජන පැවති ගම්මාන ආරක‍ෂා කිිරීමේ රාජකාරියෙන් මිදී එඩිබල යුද හමුදා ක්‍රියාන්විතය සදහා එක්වෙමින් වසර 16 ක් පුරාවට වව්නියාව, මන්නාරම සහ පූනරින් යන ප්‍රදේශයන්හි රාජකාරි කිරීමට හැකිවීම තුලින් ඇතිවූ අත්දැකිම් ඒකකයේ සාර්ථකත්වයට ඛෙහෙවින් බලපාන ලද බව මෙහිලා සදහන් කල යුතුව ඇත.