05th February 2026 09:55:43 Hours
ශ්රී ලංකා ජාතික ආරක්ෂක බලමුළුවේ සේවා වනිතා ශාඛාව විසින් ශ්රී ලංකා ජාතික ආරක්ෂක බලමුළු සාමාජිකයින්ගේ දරුවන්ගේ අධ්යාපනික දක්ෂතා හඳුනාගෙන අගය කිරීමේ අරමුණින්, 2025 නොවැම්බර් 01 වැනිදා ශ්රී ලංකා ජාතික ආරක්ෂක බලමුළුවේ රෙජිමේන්තු මධ්යස්ථානයේදී ශිෂ්යත්ව පිරිනැමීමේ උත්සවයක් සංවිධානය කරන ලදී.
මෙම උත්සවයට ශ්රී ලංකා ජාතික ආරක්ෂක බලමුළුවේ රෙජිමේන්තු අධිපති මේජර් ජෙනරල් ජනක පල්ලෙකුඹුර RWP RSP ndu psc යන ජ්යෙෂ්ඨ නිලධාරි සහ සේවා වනිතා ශාඛාවේ ගරු සභාපතිනී කුමාරි පල්ලෙකුඹුර මැතිනිය ප්රධාන අමුත්තන් වශයෙන් පැමිණි අතර, ඔවුන්ගේ සහභාගීත්වය මෙම උත්සවයට විශේෂ ගෞරවයක් හා ධෛර්යයක් එක්කරන ලදී.
පස්වැනි ශ්රේණියේ ශිෂ්යත්ව විභාගයේ දක්ෂතා දැක්වූ ශිෂ්යයින් 87 දෙනෙකු, සාමාන්ය පෙළ විභාගයේදී A 9 ක් ලබාගත් ශිෂ්යයින් 13 දෙනෙකු සහ උසස් පෙළ විභාගයේදී A 3 ක් ලබාගත් ශිෂ්යයින් 2 දෙනෙකු ඇතුළු මුළු ශිෂ්යයින් 102 දෙනෙකු හට ඔවුන්ගේ විශිෂ්ට අධ්යාපනික ජයග්රහණ සඳහා සම්මාන ප්රධානය කෙරිනි.
විශේෂ අංගයක් ලෙස, 2025 වර්ෂය තුළ ඉහත විභාග සමත් වූ ශ්රී ලංකා ජාතික ආරක්ෂක බලමුළුවට අයත් සියලු දරුවන්ට ශිෂ්යත්ව පිරිනැමුණු අතර, එයින් ශාඛාවේ සහ සේවක පවුල් අතර අධ්යාපනික උසස් දක්ෂතා වර්ධනය කිරීම අරමුණු කෙරිනි.
ඊට අමතරව, උසස් පෙළ සමත් සිසුන් දෙදෙනෙකුට ඔවුන්ගේ උසස් අධ්යාපනයට තවදුරටත් රුකුලක් ලෙසින් ටැබ්ලට් පරිගණක දෙකක්ද පරිත්යාග කෙරිණි.
