06th July 2023 11:14:57 Hours
රට තුල පැවති කුරිරු ත්‍රස්ථවාදය හමුවේ ක්‍රියාන්විතයේදී මාතෘ භූමිය වෙනුවෙන් සිය ජීවිත පූජා කල ශ්‍රී ලංකා යුද්ධ හමුදා කාන්තා බලකාය යටතේ රාජකාරි කටයුතු සිදුකල වීරෝධාර රණවීරවරියන් 25 දෙනා සිහි කරනු වස් තත් සෙබළියන් හට ගෞරවයක් වශයෙන් හා රෙජිමේන්තු මධ්‍යස්ථානයේ අභිමානය ඉහල නැංවීමේ උදාරතර සංකල්පය පෙරදැරිව ඉදි කිරීමට යෝජිත රණවිරු ස්මාරකය සඳහා සුභ මොහොතින් මුල් ගල තැබීම බෞද්ධ ආගමික වතාවත් මධ්‍යයේ 2023 ජූලි මස 06 වන දින බොරැල්ල පිහිටි රෙජිමේන්තු මධ්‍යස්ථාන පරිශ්‍රයේදී සිදු කරන ලදි.
28th March 2023 14:37:51 Hours
ආරක්ෂක සේනා ආඥාපති - මුලතිව් හා ශ්‍රි ලංකා යුද්ධ හමුදා කාන්තා බලකායේ කර්නල් සේනාවිධායක මේජර් ජෙනරාල් දර්ශන විජේසේකර 2023 මාර්තු මස 24 වන දින 5 (සෙව්) ශ්‍රි ලංකා යුද්ධ හමුදා කාන්තා බලකායෙහිද, මාර්තු මස 27 හා 28 යන දෙදින තුල 1 වන ශ්‍රි ලංකා යුද්ධ හමුදා කාන්තා බලකායේ සහ ශ්‍රි ලංකා යුද්ධ හමුදා කාන්තා බලකා පුහුණු පාසල කළුඅග්ගලහි නිරීක්‍ෂණ චාරිකාවක නිරත විය.
02nd March 2023 16:02:45 Hours
ශ්‍රි ලංකා යුද්ධ හමුදා කාන්තා බලකා සේවා වනිතා ශාඛාවේ තවත් එක් මානූෂීය මෙහෙවරක් ලෙස ආරක්ෂක සේනා මුලස්ථානය (මුලතිව්) විසින් කොළඹ රාජකිය මහා විද්‍යාලය සහ ශ්‍රි ජයවර්ධනපුර විශ්ව විද්‍යාල ආදි සිසුන්ගේ පුර්ණ මූල්‍ය දායකත්වය සහ අනුග්‍රහකත්වය මත මුලතිව් චෙම්මලෙයි දමිළ මහා විද්‍යාලය සහ කෝකිලායි සිංහල පාසලේ දරුවන් 200ක් සඳහා ඔවුන්ගේ හෙට දවස නගා සිටුවීම සඳහා අවැසි පාසල් පොත් හා උපකරණ රැසක් පරිත්‍යාග කිරීමේ වැඩසටහනක් 2023 පෙබරවාරි මස 28 වන දින චෙම්මලෙයි දමිළ මහා විද්‍යාලාය් දී ඉතා සාර්ථකව පවත්වන ලදී
06th February 2023 12:30:57 Hours
ශ්‍රීලංකා යුධ හමුදා කාන්තා බලකායේ කර්නල් සේනාවිධායක මෙන්ම ආරක්ෂක සේනා ආ පති(මුලතිව්) මේජර් ජෙනරාල් දර්ශන විජේසේකර ගේ ප්‍රධානත්වයෙන් බොරැල්ල පිහිටි රෙජිමේන්තු මධ්‍යස්ථානයේදී 2022 පෙබරවාරි මස 06 වන දින පවත්වන ලදී.
20th December 2022 11:32:21 Hours
ශ්‍රි ලංකා යුධ හමුදා කාන්තා බලකායේ 17 වන මධ්‍යස්ථ සේනාවිධායක ලෙස විශිෂ්ඨ සේවාවක් ඉටු කරන ලද බ්‍රිගේඩියර් චමින්ද තිබ්බොටුගේ වෙත ගෞරවාචාරව පුදකිරිමේ උත්සවයක් බොරැල්ල පිහිටි ශ්‍රි ලංකා යුද හමුදා කාන්තා බලකා රෙජිමේන්තු මධ්‍යස්ථානයේදි 2022 දෙසැම්බර් 16 වන දින පැවති අතර, එහිදි එම ජ්‍යෙෂ්ඨ නිලධාරින් වෙත භඨපිරිස් විසින් හමුදා සම්ප්‍රදායානුකූල සම්මාන මුරයක් සමඟින් ගෞරවාචාරය පුදකරනු ලැබිය. එමෙන්ම සියළු නිලයන් ඇමතිමේදි එතුමන්ගේ විශිෂ්ඨ සේවය අගයනු පිණිස එතුමන් වෙත කර්නල් සේනාවිධායක ඇතුළු සියළු නිලයින් වෙතින් සමරු ඵලකයක්ද පිරිනමන ලදි.
12th December 2022 08:41:41 Hours
ශ්‍රි ලංකා යුද්ධ හමුදා කාන්තා බලකායේ 23 වන කර්නල් සේනාවිධායක ලෙස 54 වන පාබල සේනාංකයේ සේනාංකාධිපති මේජර් ජෙනරාල් යු ඩි විජේසේකර ආර්ඩබ්පි ආර්එස්පී යුඑස්පී ආර්සිඩිඑස් පිඑස්සි 2022 දෙසැම්බර් මස 06 වන දින පැවති යුද්ධ හමුදා සම්ප්‍රදානුකූල උත්වයකින් බෞද්ධ ආගමික වතාවන් මධ්‍යයේ සිය ධුරයේ රාජකාරී කටයුතු භාරගන්නා ලදී.
11th December 2022 11:30:03 Hours
ශ්‍රි ලංකා යුද්ධ හමුදා කාන්තා බලකාය වෙනුවෙන් විශිෂ්ඨ සේවාවක් ඉටුකරන ලද 22 වන කර්නල් සේනාවිධායක මේජර් ජෙනරාල් එම් කේ ජයවර්ධන ආර්එස්පී යුඑස්පී එන්ඩීයු සිය ධුරයෙන් නික්ම යන ලදී. එම අවස්ථාව වෙනුවෙන් රෙජිමේන්තු මධ්‍යස්ථානය වෙතින් සමුගැනීමේ උත්සවයක් ශ්‍රි ලංකා යුද්ධ හමුදා කාන්තා බලකා රෙජිමේන්තු මධ්‍යස්ථානයේදී 2022 දෙසැම්බර් 05 වන දින පවත්වනු ලැබු අතර එහිදී එතුමන් වෙනුවෙන් සම්ප්‍රධානකූල සියළු නිල තේ පැන් සංග්‍රායහක් ලබාදුන් අතර, එතුමන් විසින් සිදුකරන ලද භටපිරිස් ආමන්ත්‍රණයේදී සියළු නිලයින් වෙතින් පිදෙන සමරු පළකය මධ්‍යස්ථාන සේනාවිධායක බ්‍රිගේඩියර් චමින්ද තිබ්බොටුගේ විසින් එතුමන් වෙත පිරිනමන ලදී.
05th April 2021 10:14:34 Hours
යාපනය ආරක්ෂක සේනා ආඥාපති සහ ශ්‍රී ලංකා යුද්ධ හමුදා කාන්තා බලකා කර්නල් සේනාවිධායක මේජර් ජෙනරාල් ඩබ්ලිව් එල් පී ඩබ්ලිව් පෙරේරා ආර්ඩබ්ලිව්පී ආර්එස්පි එන්ඩීයූ ජ්‍යෙෂ්ඨ නිලධාරිගේ මග පෙන්වීම සහ මධ්‍යස්ථාන සේනාවිධායක බ්‍රිගේඩියර් ආර් එම් ජේ බී රත්නායක ආර්එස්පී ජ්‍යෙෂ්ඨ නිලධාරිගේ පූර්ණ අධීක්ෂණය යටතේ ශ්‍රී ලංකා යුද්ධ හමුදා කාන්තා බලකායේ සියළු නිලයින්ගේ දායකත්වයෙන් කළුඅග්ගල ශ්‍රී ලංකා යුද්ධ හමුදා කාන්තා බලකා පුහුණු පාසල් පරිශ්‍රයේදී ඉදිකරන ලද නව බුදු මැදුර 2021 මාර්තු මස 28 දින නිරාවරණය කරන ලදී.
12th September 2020 16:41:00 Hours
ශ්‍රී ලංකා යුද්ධ හමුදා කාන්තා බලකායේ විසි වන කර්නල් සේනාවිධායක වශයෙන් මේජර් ජෙනරාල් ප්‍රියන්ත පෙරේරා ජ්‍යෙෂ්ඨ නිලධාරී 2020 සැප්තැම්බර් මස 08 වන දින බොරැල්ල ස්ථාපිත ශ්‍රී ලංකා යුද්ධ හමුදා කාන්තා බලකා රෙජිමේන්තු මධ්‍යස්ථානයේදී සිය නව ධූරයේ රාජකාරී ආරම්භ කරන ලදී. එම අවස්ථාවේදී එතුමන් පිළිගැනීම රෙජිමේන්තු මධ්‍යස්ථානයේ මධ්‍යස්ථාන සේනාවිධායක ජානක රත්නායක විසින් සිදුකරන ලද අතර, ඉන් අනතුරුව භඨ පිරිස් විසින් හමුදා සම්ප්‍රදායානුකූල කඳවුරු මුරයක්ද පිරිනමන ලදී.
12th September 2020 16:32:27 Hours
ශ්‍රී ලංකා යුද්ධ හමුදා කාන්තා බලකායේ නික්ම යන දහනව වන කර්නල් සේනාවිධායක මේජර් ජෙනරාල් ප්‍රසන්න චන්ද්‍රසේතර ජ්‍යෙෂ්ඨ නිලධාරී වෙනුවෙන් ශ්‍රී ලංකා යුද්ධ හමුදා කාන්තා බලකාය විසින් සංවිධානය කරන ලද උපහාර උත්සවය 2020 සැප්තැම්බර් මස 05 වන දින පනාගොඩ ශ්‍රී ලංකා යුද්ධ හමුදා කාලතුවක්කු රෙජිමේන්තු කඳවුරු පරිශ්‍රයේදී පවත්වන ලදී. එම අවස්ථාවේදී හමුදා සම්ප්‍රදායානුකූලව කඳවුරු මුරයක්,සම්මාන මුරයක් සහ රාත්‍රී භෝජන සංග්‍රහයක් පිරිනැමීම රෙජිමේන්තු මධ්‍යස්ථානයේ නිලධාරීන් සහ භට පිරිස් විසින් සිදුකරන ලදී. තවද නික්ම යන කර්නල් සේනාවිධායක වෙත සුභාශිංසන පිරිනැමීම සඳහා රෙජිමේන්තු මධ්‍යස්ථාන සේනාවිධායක බ්‍රිගේඩියර් ජානක රත්නායක, කාන්තා බලකා රෙජිමේන්තුවේ ජ්‍යෙෂ්ඨ නිලධාරීන්/නිලධාරීන් සහ සෙසුනිලයන් ඇතුළු පිරිසක් සහභාගී වූහ.
