07th August 2019 11:53:10 Hours
65 වන සේනාංකයේ භට පිරිස් සිය ප්‍රජා ව්‍යාපෘතිවලින් තවත් එක් ව්‍යාපෘතියක් ලෙස 2019 ජුලි මස 27 වන දින කිලිනොච්චි, සෙල්වනගර් ප්‍රදේශයේ පිහිටි ‘මහාදේව ස්වාමිහෝල්’ ළමා නිවාසයේ ළමුන් 47 දෙනෙකු වෙත දිවා ආහාරවේලක් පිරිනමන ලදී.
යුද්ධ හමුදා සාමාජිකයින් සහ සිවිල් ප්‍රජාව අතර සංහිඳියාව තවදුරටත් ප්‍රවර්ධනය කිරීමේ අපේක්ෂාවෙන් 65 වන සේනාංකයේ සේනාංකාධිපති මේජර් ජෙනරාල් වසන්ත කුමාරප්පෙරුම ගේ සංකල්පයකට අනුව එම සේනාංක මූලස්ථානයේ සේවයේ නියුතු යුද්ධ හමුදා සාමාජිකයින්ගේ මූල්‍යමය දායකත්වය ඇතිව මෙම ප්‍රජා සත්කාරක ව්‍යාපෘතිය දියත් කරන ලදී.
