30th June 2020 14:30:35 Hours
කොවිඩ් - 19 පැතිරීම වැළැක්වීම සහ එය සම්ප්‍රේෂණයවීම පිළිබඳ දැනුවත් කිරීමේ වැඩසටහනක් 2020 ජුනි මස 19 වන දින 571 වන බලසේනා මූලස්ථානයේදී පැවැත්විණි.
57 වන සේනාංකයේ සේනාංකාධිපති මේජර් ජෙනරාල් ඩීජීඑස් සෙනරත් යාපා ආර්ඩබ්ලිව්පි ආර්එස්පි එන්ඩියු ගේ ඉල්ලීම පරිදි කිළිනොච්චි ප්‍රාදේශීය සෞඛ්‍ය සේවා අධ්‍යක්‍ෂ, වසංගත රෝග පිළිබඳ ප්‍රාදේශීය වෛද්‍ය, කරච්චි සෞඛ්‍ය වෛද්‍ය නිලධාරීන් සහ කන්දවාලි ප්‍රාදේශීය ලේකම් කාර්යාල විසින් ‘කොවිඩ්-19 වෛරසය සහ ඩෙංගු වසංගතය’ පිළිබඳ දැනුවත් කිරීමේ දේශන සහ වැඩසටහන් පවත්වන ලදී.
මෙම දේශනයේදී කොවිඩ් - 19 වෛරසය සහ ඩෙංගු වසංගතය සම්ප්‍රේෂණය වීම වැළැක්වීමේ පියවර, නිශ්චිත ක්ෂේත්‍රයන්හි පවත්නා සහ අනාගතයේදී ඇතිවිය හැකි තර්ජන පිළිබඳව කරුණූ සාකච්ඡා කරන ලද අතර ඒ සඳහා 57 වන සේනාංකයේ සහය ලබාගැනීමට ඇති හැකියාව පිළිබඳව ද අවධානය යොමු කරන ලදී.
මෙම අවස්ථාව සඳහා අවශ්‍ය පහසුකම් 571 වන බලසේනාවේ බලසේනාධිපති බ්‍රිගේඩියර් ඩීකේඑස්කේ දොලගේ යුඑස්පි පිඑස්සි විසින් සපයන ලදී.
මෙම අවස්ථාව සඳහා 57 වන සේනාංකයේ සේනාංකාධිපති, 571 වන බලසේනාවේ බලසේනාධිපති, 57 වන සේනාංක මූලස්ථානයේ මාණ්ඩලික නිලධාරීන් හා සිවිල් කටයුතු සම්බන්ධීකරණ නිලධාරීන්, 57 වන සේනාංකය යටතේ ස්ථාපිත බලඇණිවල අණදෙන නිලධාරීන් සහ දෙවන අණදෙන නිලධාරින් ද සහභාගී වූහ.
