31st July 2025 15:47:57 Hours
සිවිල්-හමුදා සහයෝගීතාව ශක්තිමත් කිරීම සහ අඩු වරප්‍රසාද ලත් ප්‍රජාවන්ගේ අධ්‍යාපන ප්‍රමිතීන් නංවාලීම සඳහා අඛණ්ඩ උත්සාහයක් ලෙස, ශ්‍රී ලංකා සිංහ රෙජිමේන්තුවේ 7 වන බලඇණිය වන වෙතින් 2025 ජූලි 28 වන දින නෙඩුන්කුලම් සිංහල මාධ්‍ය විද්‍යාලයේ සිසුන් සඳහා පාසල් ලිපි ද්‍රව්‍ය බෙදා හැරීමේ වැඩසටහනක් සංවිධානය කරන ලදී.
මෙම ප්‍රජා සුභසාධන වැඩසටහන 563 පාබල බලසේනාවේ අණදෙන නිලධාරී බ්‍රිගේඩියර් පී. ඒ. නන්දතිලක ආර්එස්පී යූඑස්පී ගේ මඟ පෙන්වීම යටතේ සිදු කරන ලද අතර අණදෙන නිලධාරී ලුතිනන් කර්නල් එම් කේ ඩී පී පී කේ කන්කානිගේ ආර්ඩබ්ලිව්පී ආර්එස්පී යූඑස්පී පීඑස්සී ගේ අධීක්ෂණය යටතේ සංවිධානය කරන ලදී.
මෙම වැඩසටහන නුගේගොඩ ප්‍රදේශයේ ධානපතියකු වන එම්එල්වයි චන්ද්‍රානි ලියනගේ මහත්මියගේ මුල්‍ය දායකත්වයෙන් සිදු කිරීමට හැකි විය. උත්සවයේදී පාසලේ තෝරාගත් සිසුන් 45 දෙනෙකුට අත්‍යවශ්‍ය පාසල් ලිපි ද්‍රව්‍ය බෙදා දෙන ලදී. පසුව සියළුම සිසුන් සහ පාසල් කාර්ය මණ්ඩලය වෙත දිවා ආහාරය ලබා දෙන ලදී.
563 පාබල බලසේනාවේ අණදෙන නිලධාරී, සිවිල් කටයුතු නිලධාරී, 7 වන ශ්‍රී ලංකා සිංහ රෙජිමේන්තුවේ අණදෙන නිලධාරී, එම්එල්වයි චන්ද්‍රානි ලියනගේ මහත්මිය සහ ඇයගේ පවුලේ අය සහ 7 වන ශ්‍රී ලංකා සිංහ රෙජිමේන්තුවේ භට පිරිස් මෙම අවස්ථාවට සහභාගී වූහ. පාසලේ විදුහල්පති, ගුරු මණ්ඩලය සහ සියලුම සිසුන්ගේ ක්‍රියාකාරී සහභාගීත්වය උත්සවයේ වැදගත්කම සහ සාර්ථකත්වය තවදුරටත් වර්ධනය කළේය.
