16th July 2025 14:56:28 Hours
54 වන පාබල සේනාංකයේ අණදෙන නිලධාරීගේ මඟ පෙන්වීම හා උපදෙස් මත රජයේ පිරිසිදු කිරීමේ ශ්‍රී ලංකා ව්‍යාපෘතියට අනුකූලව, 2025 ජූලි 14 වන දින පැය 0730 සිට පැය 0930 දක්වා මඩු අප ස්වාමිදූගේ ජාතික සිද්ධස්ථානයේ දී ගස් සිටුවීමේ ව්‍යාපාරයක් සංවිධානය කරන ලදී. මෙම උත්සවයේ අවධානය යොමු වූයේ ගස් ආරක්ෂා කිරීමේ අවශ්‍යතාවය සහ ඒවායේ ප්‍රතිලාභ සඳහා සමාජය දැනුවත් කිරීම සහ “Clean Sri Lanka” වැඩසටහනේ පාරිසරික සංවර්ධනය සාක්ෂාත් කර ගැනීමයි. මෙම නිළ අවස්ථාවට මන්නාරම දිස්ත්‍රික්කයේ රදගුරු අති උතුම් ගරු ආචාර්ය ඒ. ඥානප්‍රකාසම්, මන්නාරම දිස්ත්‍රික් ලේකම් කේ. කනකේෂ්වර්ම් මහතා, 54 පාබල සේනාංකයේ අණදෙන නිලධාරී මේජර් ජෙනරාල් ඒඑම්සී අබේකෝන් ආර්ඩබ්ලිව්පී ආර්එස්පී යූඑස්පී එන්ඩී, 542 පාබල බලසේනාවේ අණදෙන නිලධාරී බ්‍රිගේඩියර් ඒ ආර්ඩබ්ලිව්සී අසුරසිංහ ආර්ඩබ්ලිව්පී ආර්එස්පී යූඑස්පී, මඩු ප්‍රාදේශීය ලේකම් කේ.බේඩ් නිජහරන් සහ මඩු වන සංරක්ෂණ නිලධාරී ඩබ්ලිව්එම්එම්එම් වීරකෝන් මහතා සහභාගී වූහ.
මන්නාරම දිස්ත්‍රික්කයේ ශුෂ්ක පරිසරය දියුණු කිරීම උදෙසා තෝරාගත් ශාක විශේෂ 500 ක් රෝපණය කිරීමේ වැඩසටහනක් ක්‍රියාත්මක අතර, ඉන් පළමු අදියර ලෙස මෙම අවස්ථාවේදී පැළ 100 ක් රෝපණය කරන ලදී.
බලසේනාධිපති 542 පාබල බලසේනාව සහ අණදෙන නිලධාරී 4 වන ගජබා පාබල රෙජිමේන්තුව, පූර්ණ අධීක්ෂණය යටතේ රුක් රෝපණ වැඩසටහන පවත්වාගෙන යාමට නියමිත අතර, සිවිල් කටයුතු නිලධාරී 542 පාබල බලසේනාවේ විසින් සම්බන්ධීකරණය කරන නිළධාරි විසින් සම්බන්ධීකරණය කරන ලද මෙම වැඩසටහනට 4 වන ගජබා පාබල රෙජිමේන්තුවේ නිළධාරින් හා සෙසු නිළයින් ක්‍රියාකාරීව සහභාගී වූහ.
