අයහපත් කාලගුණික තත්වය හේතුවෙන් ඇතිවූ ජලගැලීමෙන් අවතැන්වුවන් සඳහා මනුසත් දෙරණ සහ ඩයලොග් ඇක්සියාටා ආයතනයෙහි අනුග්‍රහය මත වියලි සලාක ලබාදීම- 591 පාබල බලසේනා මුලස්ථානය

59 පාබල සේනාංකයේ සේනාංකාධිපති මේජර් ජෙනරාල් ඩීආර්එන් හෙට්ටිආරච්චි ආර්ඩබ්ලිව්පී ආර්එස්පී යූඑස්පී ජ්‍යෙෂ්ඨ නිලධාරිතුමන්ගේ සම්බන්ධිකරණය හා පූර්ණ අධීක්‍ෂණය යටතේ පසුගිය දිනවල පැවති අයහපත් කාලගුණික තත්වය හේතුවෙන් අවතැන්වූ සිවිල් වැසියන් 350 ක පමණ ප්‍රමාණයක් සඳහා වියලි ආහාර ලබාදීමේ වැඩසටහනක් මනුසත් දෙරණ සහ ඩයලොග් ඇක්සියාටා වැඩසටහන්හි පුර්ණ අනුග්‍රහය යටතේ 591 පාබල බලසේනාව යටතේ වන 10 වන බළඇණිය ශ්‍රී ලංකා සිංහ රෙජිමේන්තුව විසින් සංවිධානය කර මුලතිව් කෝකිලායි ශාන්ත ආනා දේවස්ථානයේදී 2024 නොවැම්බර් මස 30 වන දින පවත්වන ලදි.

මේ සඳහා 59පාබල සේනාංකයේ සේනාංකාධිපති මේජර් ජෙනරාල් ඩීආර්එන් හෙට්ටිආරච්චි ආර්ඩබ්ලිව්පී ආර්එස්පී යූඑස්පී, නියෝජ්‍ය සේනාංකාධිපති බ්‍රිගේඩියර් කේඑච්එන්පී හැන්නදිගේ ආර්ඩබ්ලිව්පී ආර්එස්පී පිඑස්සි, යන ජ්‍යෙෂ්ඨ නිලධාරීන් සහ ධිවර සමිති සභාපති සුමල් මහතා,මනුසත් දෙරණ හා ඩයලොග් ඇක්සියාටා යන වැඩසටහන්හි කාර්ය මණ්ඩලයේ නියෝජිතයින් පිරිසක් ද සහභාගි වන ලදි.