56පාබල සේනාංකයේ සේනාංකාධිපති විසින් මඩුකන්ද ජාතික පාසලේ ශිෂ්‍ය නායකයින්හට නිල ලාංඡන ප්‍රදානය කිරීම

2024 සැප්තැම්බර් මස 13 වන දින මඩුකන්ද ජාතික පාසලේ ශිෂ්‍ය නායකයින් හට නිල ලාංඡන ප්‍රදානය කිරීම සඳහා සපැමිණි 56 වන පාබල සේනාංකයේ සේනාංකාධිපති මේජර් ජෙනරාල් එස් කස්තුරිමුදලි RSP pscndcයන ජ්‍යෙෂ්ඨ නිලධාරීතුමන් එම විදුහලේ විදුහල්පතිතුමන්, ගුරුවරුන් සහ සිසුන් විසින් මහත් හරසරින් යුතුව පිළිගන්නා ලදී.

එහිදී 56 වන සේනාංකයේ සේනාංකාධිපති මේජර් ජෙනරාල් එස් කස්තුරිමුදලි තුමන් හට පාසලේ පෙරදිග තූර්ය වාදක කණ්ඩායම විසින් ඉදිරිපත් කරන ලද ආචාර පෙළපාලියක් සමගින් එම සේනාංකාධිපතිවරයා වේදිකාව වෙත කැදවාගෙන එන ලදී. ඉන්පසු සේනාංකාධිපති විසින් ශිෂ්‍ය නායකයින් 32හට නිල ලාංඡන ප්‍රධානය කිරීම සිදුකරන ලදී.

ඉන් අනතුරුව 56 වන පාබල සේනාංකයේ සේනාංකාධිපති විසින් විනය සහ කැපවීම තුළින් සමාජයේ නායකයෙකු වීමේ වැදගත්කම සබැදි දේශණයක් අදාල උත්සව අවස්ථාව අවසානයේ සිදුකරන ලදී .