වර්ෂාපතනය හේතුවෙන් ආපදාවට ලක්වු තවරක්කුලම් වැව පිළිසකර කිරිම

මේ දිනවල පවතින අධික වර්ෂාපතනය හේතුවෙන් 2 වන (සෙවි) විජයභාහු පාබල රෙජිමේන්තු බලප්‍රදේශයේ ආසික්කුලම් ග්‍රාම සේවා වසමට අයත් ගොවිජන සේවා මධ්‍යස්ථානය යටතේ පාලනය වන තවරක්කුලම් වැවේ වැව් බැම්මෙහි කොටසක් කැඩීයාම සිදුවන ලදි. එම වැවෙන් පෝෂණය වන කුඹුරු ඉඩම් අක්කර 105.49 ක් පමණ ඇති අතර, එම වැව් බැම්ම කැඩී යාමෙන් එහි වගා කටයුතු විනාශ වන බැවින් එම වැව් බැම්ම කඩිනමින් පිළිසකර කිරීම සිදුකිරීම අත්‍යවශ්‍ය කටයුත්තක් විය. 21 වන පබල සේනාංකයේ සේනාංකාධිපතිගේ උපදේස් හා මග පෙන්වීම යටතේ 2023.11.12 වන දින 213 බසේමු බලසේනාධිපති බ්‍රිගේඩියර් එම් කේ ඩී පී මාපලගම පීඑස්සි හා 2 වන (සෙවි) විජයභාහු පාබල රෙජිමේන්තුවේ අණදෙන නිලධාරි මේජර් ආර්එම්කෙබී රත්නායක ආර්එස්පී යන අයගේ පුර්ණ අධික්‍ෂණය යටතේ 1 x 30 භඨපිරිසක් හා ගම්වාසීන් සුලු පිරිසකගේ සහභාගිත්වයෙන් එම වැවේ වැව් බැම්මෙහි කැඩී ගිය කොටස වැලි උර යොදාගෙන පිළිසකර කරන ලදි. ආසික්කුලම් ග්‍රමයේ ගම්වාසින් යුධ හමුදා භටපිරිස් හි මෙම කටයුත්ත ඉතා අගය කොට සලකන බව ප්‍ර‍කාශ කරන ලදි.