ආරක්‍ෂක සේනා මූලස්ථ‍ානය (වන්නි) හි නව ටෙනිස් පුහුණු වැඩසටහන සාර්ථකව අවසන් විය

නිලධාරීන් සහ සෙසු නිලයන් සඳහා නව ටෙනිස් පුහුණු වැඩසටහන 2025 මැයි 30 වන දින ආරක්‍ෂක සේනා මූලස්ථානය (වන්නි) හි නවතමයෙන් ප්‍රතිසංස්කරණය කරන ලද ටෙනිස් පිටියේදී ටෙනිස් පුහුණු වැඩසටහන සාර්ථකව නිම කරන ලද අතර, මැයි 08 වන දින ආරම්භ වූ මෙම වැඩසටහන, ආරක්ෂක සේනා (වන්නි) ආඥාපති මේජර් ජෙනරාල් කේඑම්පීඑස්බී කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරිගේ ප්‍රධානත්වයෙන් ආරම්භ කරන ලදී.

ශාරීරික යෝග්‍යතාවය, විනය, කණ්ඩායම් හැඟීම සහ ටෙනිස් කුසලතා වැඩි දියුණු කිරීම සඳහා නිර්මාණය කර ඇති මෙම වැඩසටහනට නිලධාරීන් සහ අනෙකුත් සෙසු නිලයන් දෙදෙනාගේම උද්යෝගිමත් සහභාගීත්වයක් දක්නට ලැබුණි.

ආරක්ෂක සේනා මූලස්ථානය (වන්නි) බ්‍රිගේඩියර් ප්‍රධාන මාණ්ඩලික බ්‍රිගේඩියර් කේ එම් වී කොඩිතුවක්කු එන්ඩියු ජ්‍යෙෂ්ඨ නිලධාරිතුමන්ගේ ප්‍රධානත්වයෙන් පැවති සමාප්ති උත්සවයේදී කේවල සහ යුගල තරඟ දෙකෙහිම අවසන් තරඟ පවත්වන ලදි. ප්‍රදර්ශන තරඟ මාලාවකින් පුහුණුවන්නන්ගේ ප්‍රගතිය පෙන්නුම් කළ අතර සහභාගිවන්නන් අතර උද්යෝගයක් ඇති විය.

මෙම උත්සවයේ කැපී පෙනෙන සිදුවීමක් වූයේ ආරක්ෂක සේනා මූලස්ථානය (වන්නි) බ්‍රිගේඩියර් (පාලන/භකාස), ආරක්ෂක සේනා මූලස්ථානය (වන්නි) කර්නල් ප්‍රධාන මාණ්ඩලික සහ යුද්ධ හමුදා ටෙනිස් ක්‍රීඩකයින් සමඟ තරඟ වැදීමයි.

සමස්තයක් වශයෙන්, ශ්‍රී ලංකා යුද හමුදාවේ නිලධාරීන් සහ අනෙකුත් නිලයන් අතර ටෙනිස් ක්‍රීඩාව ප්‍රවර්ධනය කිරීමේ වැදගත්කම මෙම වැඩසටහන මගින් ඉස්මතු කරන ලදී. ජ්‍යෙෂ්ඨ නිලධාරීන්ගේ ක්‍රියාකාරී සහභාගීත්වය, සුහදත්වය, විනය සහ සෞඛ්‍ය සම්පන්න ජීවන රටාවක් පෝෂණය කිරීමේ ප්‍රබල මාධ්‍යයක් ලෙස ක්‍රීඩාව කෙරෙහි යුද්ධ හමුදාවේ දැඩි කැපවීම අවධාරණය කළේය.