02nd October 2024 07:15:56 Hours
593 පාබල බලසේනාවේ 17 වන බලසේනාධිපති ලෙස කර්නල් යූ.එස්.බී. රත්නායක RWP RSP psc ජ්‍යෙෂ්ඨ නිලධාරීතුමන් කොම්බාවිල්, පුදුකුඩුයිරිප්පු, 593 පාබල බලසේනා මූලස්ථානයේදී ආගමික වතාවත් සහ යුද හමුදා චාරිත්‍රානුකූල කටයුතු මධ්‍යයේ වැඩ භාර ගන්නා ලදී.
593 පාබල බලසේනාවේ අභිනවයෙන් පත් වන ලද බලසේනාධිපති තුමන් වෙත 6 වන ගැමුණු හේවා බළඇණියේ භට පිරිස් විසින් සම්මාන මුරය පුද කරන ලදී. සිය රාජකාරි භාරගැනීම නිල වශයෙන් සනිටුහන් කිරීම සඳහා බලසේනාධිපතිතුමන් ආගමික වතාවත් මධ්‍යයේ නිල ලේඛනයකට අත්සන් තැබීය.
අභිනවයෙන් පත්වූ බලසේනාධිපතිතුමන් විසින් සම්ප්‍රදායානුකූලව කඳවුරු පරිශ්‍රයේ පැළයක් රෝපණය කරන ලදී. අනතුරුව ඔහු නිලධාරීන් සහ සෙසු නිලයින් සමඟ සමූහ ඡායාරූපයකටද පෙනී සිටියේය.
තවද, 593 වන පාබල බලසේනාවේ බලසේනාධිපති විසින් භට පිරිස් ඇමතීමෙන් අනතුරුව සියලු නිලයන් සමග තේ පැන් සංග්‍රහයකට සහභාගි වන ලදී.
