56 වන සේනාංකයේ නව සේනාංකාධිපතිවරයා වැඩ භාර ගනී

බ්‍රිගේඩියර් එම්.පී.එන්.ඒ. මුතුමාල යුඑස්පී පිඑස්සි 2024 ඔක්තෝම්බර් 23 වන දින එම සේනාංක මූලස්ථානයේ පැවති උත්සවයකදී 56 වන පාබල සේනාංකයේ 29 වන සේනාංකාධිපති ලෙස වැඩ භාර ගන්නා ලදී. මෙම උත්සවය සඳහා එම සේනාංකයේ මාණ්ඩලික නිලධාරීන් විසින් උණුසුම් පිළිගැනීමක් සිදුකරන ලද අතර, අනතුරුව 56 වන පාබල සේනාංකයේ භඨපිරිස් විසින්කඳවුරු සම්මාන මුරයක් හා සම්මාන පෙළපාලියක් පිලිගන්වන ලදී..

සියළු ආගමික වතාවත්වලට සහභාගි වීමෙන් අනතුරුව බ්‍රිගේඩියර් නිශාන්ත මුතුමාල මහතා සිය ධූරයේ වැඩ භාරගැනීම සනිටුහන් කිරීමේ ලේඛනයකට නිල වශයෙන් අත්සන් තැබීම සිදුකල අතර, සංකේතාත්මක ලෙස පැලයක් රෝපණය කිරීමෙන් අනතුරුව, නව සේනාංකාධිපති සමූහ ඡායාරූපයක් සඳහා පෙනී සිටින ලදී.

පසුව, නව සේනාංකාධිපති විසින් 56 වන පාබල සේනාංකයේ සියළු නිලධාරීන් සහ සෙසු නිලයින් අමතමින්,56 වන සේනාංකයේ ඉදිරි වැඩපිළිවෙල පිළිබඳ තම දැක්ම ඉදිරිපත් කරන ලද අතර, මේ සඳහා 56 වන පාබල සේනාංකයේ සියළු නිලධාරීන් සහ සෙසු නිලයින් එක්ව නව සේනාංකාධිපති වරයා වෙත තේ පැන් සංග්‍රහයක්ද පිරිනමන ලදී.