18th September 2024 09:13:21 Hours
541 පාබල බසේමු 14 වන සංවත්සරය 2024 සැප්තැම්බර් 10 වන දිනට යෙදීම නිමිති කොටගෙන මෙම පාබල බසේමු බලසේනාධිපති බ්‍රිගේඩියර් බීවයිසී ප්‍රනාන්දු ආර්ඩබ්ලිව්පී යූඑස්පී යන ජ්‍යෙෂ්ඨ නිලධාරි තුමන්ගේ උපදෙස් හා මගපෙන්වීම යටතේ වැඩසටහන් මාලාවක් පවත්වන ලදී. ඒ අතර සියළු ආගම් වලට අදාල ආගමික වතාවත් සිදුකිරීම, බසේමු බළප්‍රදේශයට අයත් මන්නාරම කල්ලියඩි දමිළ මිශ්‍ර ප්‍රාථමික විදුහලේ ඉගෙනුම ලබන අඩු ආදායම්ලාභී පවුල්වල ළමුන් සදහා පාසල් උපකරණ හා දිවා ආහාර වේලක්ලබාදීම, බසේමුහි මුළුතැන්ගෙය නවීකරණය කර විවෘත කිරීම, බසේමු අංශ ආයතන අතර සුහද ක්‍රිකට් තරගාවලියක් පැවැත්වීම, සියළුම නිලයන් සදහා සුහද හමුවක් හා සියළු නිල භෝජන සංග්‍රහයක් පැවැත්වීම සිදුකරන ලදී. මේ සදහා බලසේනාධිපති ඇතුළු නිලධාරින් සහ බලසේනාවේ සියළුම සෙසු නිලයින් සහභාගි වන ලදි.
