விரு கெகுளு பாலர் பாடசாலைகளின் சிறுவர்களின் உடல்நலம் மற்றும் நல்வாழ்வை மேம்படுத்தும் வகையில் மருத்துவ முகாம்

இராணுவ சேவை வனிதையர் பிரிவின் தலைவி திருமதி சுவேந்திரினி ரொட்ரிகோ அவர்களின் வழிகாட்டுதலின் கீழ், இராணுவ வீரர்கள் மற்றும் பொதுமக்களின் சிறுவர்களின் உடல்நலம் மற்றும் நல்வாழ்வை மேம்படுத்தும் வகைளில், நாடு முழுவதும் உள்ள விரு கெகுளு பாலர் பாடசாலைகளில் தொடர்ச்சியான மருத்துவ முகாம்கள் நடாத்தப்பட்டன.

அந்தந்த இராணுவத் தள மருத்துவமனைகளைச் சேர்ந்த மருத்துவ அதிகாரிகள் மற்றும் தாதியரின் பங்கேற்புடன், மின்னேரியாவில் 2026 மார்ச் 04 ஆம் திகதியும், தியத்தலாவையில் 2026 மார்ச் 06 ஆம் திகதியும் மருத்துவ முகாம்கள் நடாத்தப்பட்டன. முதலாம் பருவ சுகாதாரத் திட்டத்தின் ஒரு பகுதியாக, இப்பலோகம மற்றும் காலியில் 2026 மார்ச் 24 ஆம் திகதி நிகழ்ச்சிகள் நடாத்தப்பட்டன.

இதற்கிடையில், 2026 மார்ச் 27 ஆம் திகதி பனாகொட மற்றும் பல்லேகலயில் மருத்துவ முகாம்கள் நடாத்தப்பட்டன. பனாகொடை நிகழ்ச்சியானது, சிரேஷ்ட உறுப்பினர் திருமதி. உதாரி உடுகம அவர்களின் மேற்பார்வையின் கீழ், சுகாதார மருத்துவ அதிகாரி (ஹோமகம), மருத்துவ அதிகாரிகள், பல் சத்திர சிகிச்சை நிபுணர்கள் மற்றும் பொது சுகாதாரப் பணியாளர்கள் அடங்கிய மருத்துவக் குழுவின் பங்கேற்புடன் நடாத்தப்பட்டது. இதற்கிடையில், இதேபோன்ற ஒரு நிகழ்ச்சி 2026 ஏப்ரல் 02 அன்று மெனிங் டவுனில் நடாத்தப்பட்டது.

இந்தத் திட்டங்களின் போது, சிறுவர்களின் உயரம், எடை, பற்களின் நிலை மற்றும் உடல் நிறை குறியீட்டெண் உள்ளிட்ட உடல்நல மதிப்பீடுகள் மேற்கொள்ளப்பட்டன. இதன் மூலம், ஏதேனும் உடல்நலக் குறைபாடுகள் இருந்தால் அவற்றைக் கண்டறிய முடிந்தது. மேலும், சிறுவர்களின் ஆரோக்கியம், ஊட்டச்சத்து, தடுப்பூசிகள் மற்றும் ஆரோக்கியமான வாழ்க்கை முறைப் பழக்கவழக்கங்கள் குறித்தும் பெற்றோருக்குக் ஆலோசனை வழங்கப்பட்டது.