சுவாச நோய்களுக்கான தேசிய மருத்துவமனையில் புனரமைக்கப்பட்ட வசதிகள் அதிகாரிகளிடம் ஒப்படைப்பு

நாட்டு மக்களின் நலனுக்கான ஆதரவை வழங்கும் வகையில், வெலிசர தேசிய சுவாச நோய் மருத்துவமனையில் புனரமைக்கப்பட்ட பணிகள் பாதுகாப்பு அமைச்சின் சேவை வனிதையர் பிரிவின் தலைவி வைத்தியர் ரசிக்க பெரேரா அவர்களின் ஒருங்கிணைப்பின் கீழ் நிறைவடைந்தன.

புனரமைக்கப்பட்ட கட்டிடம் 2026 ஜனவரி 12 ஆம் திகதி இராணுவ சேவை வனிதையர் பிரிவின் தலைவி திருமதி சுவேந்திரினி ரொட்ரிகோ அவர்களால் மருத்துவமனை அதிகாரிகளிடம் ஒப்படைக்கப்பட்டது.

இந்த நிகழ்வைத் தொடர்ந்து, தலைவியின் பங்கேற்புடன், வார்டு எண் 06 இல் ஆய்வுப் பயணம் மேற்கொள்ளப்பட்டது. பின்னர், இரண்டு நகர்த்தக்க புற ஊதா ஒளியை பயன்படுத்தி கிருமிகளை அழிக்கும் கருவிகள் (பெரியவை), இரண்டு நகர்த்தக்க புற ஊதா ஒளியை பயன்படுத்தி கிருமிகளை அழிக்கும் கருவிகள் (சிறியவை), ஐந்து கூரையில் பொருத்தப்பட்ட புற ஊதா ஒளி கிருமி நீக்கம் செய்யும் அலகுகள், காற்றோட்டம் இல்லாத 50 முழு முக பாதுகாப்பு முகமூடிகள், 47 வெள்ளை படுக்கை விரிப்புகள், 47 வெள்ளை தலையணை உறைகள் மற்றும் 47 தலையணைகள் உள்ளிட்ட நன்கொடைகள் வழங்கப்பட்டன. இத்திட்டத்திற்கு நன்கொடையாளர்களால் ரூ.2.3 மில்லியனுக்கும் அதிகமான தொகை நன்கொடையாக வழங்கப்பட்டது.

புனரமைப்புப் பணிகளை மேற்கொண்ட 1 வது பொறியியல் சேவைகள் படையணி மற்றும் 6 வது இலங்கை இலேசாயுத காலாட் படையணி படையினரால் வழங்கப்பட்ட சேவைகளைப் பாராட்டி பாராட்டு கடிதங்கள் வழங்கப்பட்டன.