இலங்கை இராணுவ பொலிஸ் படையணி சேவை வனிதையரால் புனித லூகாஸ் முதியோர் இல்லத்தில் நன்கொடை

இலங்கை இராணுவ பொலிஸ் படையணி சேவை வனிதை பிரிவினர் 4 வது இலங்கை இராணுவ பொலிஸ் படையணியுடன் இணைந்து, புத்தூர் புனித லூகாஸ் முதியோர் இல்லத்தில் 26 ஒக்டோபர் 2024 அன்று நன்கொடை நிகழ்வை ஏற்பாடு செய்திருந்தனர். இலங்கை இராணுவ பொலிஸ் படையணியின் படைத் தளபதி மேஜர் ஜெனரல் எஸ்எஎன்டி எதிரிசிங்க ஆர்டபிள்யூபீ ஆர்எஸ்பீ எச்டிஎம்சீ பீஎஸ்சீ மற்றும் இலங்கை இராணுவ பொலிஸ் படையணி சேவை வனிதையர் பிரிவின் தலைவி திருமதி மனிஷா கொத்தலாவல அவர்களின் வழிகாட்டுதலின் கீழ் இந்த திட்டம் முன்னெடுக்கப்பட்டது.

நிகழ்வில் அங்கு வாழ்பவர்களுக்கு அன்றாட அத்தியாவசியப் பொருட்கள் மற்றும் மருத்துவப் பொருட்கள் அடங்கிய பரிசுப் பொதிகள், வீட்டு உபயோகத்திற்கான உலர் உணவு பொருட்கள் மற்றும் நுளம்பு வலைகள் என்பன வழங்கப்பட்டன. பொழுதுபோக்குடனான மதிய உணவுடன் நிகழ்வு நிறைவுற்றது.

இலங்கை இராணுவ பொலிஸ் படையணி சேவை வனிதையர் பிரிவின் உறுப்பினர்கள், சிரேஷ்ட அதிகாரிகள், அதிகாரிகள் மற்றும் சிப்பாய்கள் இந் நிகழ்வில் கலந்து கொண்டனர்.