29th October 2024 14:48:15 Hours
இலங்கை இலேசாயுத காலாட் படையணியின் போர்வீரர்களுக்கான புதிய வீடமைப்புத் திட்டம் மத்திய பாதுகாப்பு படைத் தலைமையக தளபதியும் இலங்கை இலேசாயுத காலாட் படையணியின் படைத் தளபதியுமான மேஜர் ஜெனரல் வைஏபிஎம் யஹாம்பத் ஆர்டப்ளியூபீ ஆர்எஸ்பீ என்டியூ பீஎஸ்சி அவர்களின் வழிகாட்டுதலின் கீழ் இலங்கை இலேசாயுத காலாட் படையணி சேவை வனிதையர் பிரிவின் தலைவி திருமதி தர்ஷனி யஹம்பத்தின் மேற்பார்வையில் முன்னெடுக்கப்பட்டது.
இத் திட்டத்தின் முதல் கட்டமாக லான்ஸ் கோப்ரல் என்டிசிசி நரசிங்க அவர்களுக்காக நிர்மாணிக்கப்பட்ட புதிய வீடு இலங்கை இலேசாயுத காலாட் படையணி சேவை வனிதையர் பிரிவின் தலைவியால் 27 ஒக்டோபர் 2024 அன்று திறந்து வைக்கப்பட்டது.
இலங்கை இலேசாயுத காலாட் படையணி சேவை வனிதையர் பிரிவின் உறுப்பினர்கள், சிரேஷ்ட அதிகாரிகள், அதிகாரிகள், சிப்பாய்கள், பயனாளிகள் மற்றும் அவரது குடும்ப உறுப்பினர்கள் இந்நிகழ்வில் பங்குபற்றினர்.
