விவசாயம் மற்றும் கால்நடை படையணி சேவை வனிதையரால் படையினரின் கர்ப்பிணித் துணைவியர்களுக்கு நன்கொடை

இலங்கை இராணுவ விவசாயம் மற்றும் கால்நடை படையணி சேவை வனிதையர் பிரிவின் தலைவி திருமதி வருணி குலதுங்க அவர்களின் வழிகாட்டுதலின் கீழ், 1 வது இலங்கை இராணுவ விவசாயம் மற்றும் கால்நடை படையணி படையினரால் நன்கொடை நிகழ்ச்சி ஏற்பாடு செய்யப்பட்டது. இதன் போது 32 கர்ப்பிணிப் தாய்மார்களுக்கு ரூ. 20,000.00 பெறுமதியான அத்தியாவசிய மகப்பேறு பொருட்கள் நன்கொடையாக வழங்கப்பட்டது. இந்நிகழ்வு 28 செப்டெம்பர் 2024 அன்று நொச்சியாகம 1 வது இலங்கை இராணுவ விவசாயம் மற்றும் கால்நடை படையணியில் நடைப்பெற்றது.

மேலும், அனைத்து பயனாளிகளுக்கும் மதிய உணவு வழங்கப்பட்டது. நிகழ்ச்சியின் போது, நொச்சியாகம சுகாதார வைத்திய அதிகாரி வைத்தியர் கபில திஸாநாயக்கவினால் " குழந்தை பராமரிப்பு" என்ற தலைப்பில் விரிவுரை நிகழ்த்தப்பட்டது.

கிழக்கு பாதுகாப்பு படைத் தலைமையகத் தளபதியும் இலங்கை இராணுவ விவசாயம் மற்றும் கால்நடை படையணியின் படைத் தளபதியுமான மேஜர் ஜெனரல் எஸ்.ஏ குலதுங்க ஆர்டபிள்யூபீ ஆர்எஸ்பீ வீஎஸ்வீ யூஎஸ்பீ பீஎஸ்சீ அவர்கள் இந்நிகழ்வில் பிரதம அதிதியாகக் கலந்துகொண்டனர். இந்நிகழ்வில் இலங்கை இராணுவ விவசாயம் மற்றும் கால்நடை படையணி சேவை வனிதையர் பிரிவின் உறுப்பினர்கள், சிரேஷ்ட அதிகாரிகள், அதிகாரிகள் மற்றும் சிப்பாய்கள் கலந்து கொண்டனர்.