இலங்கை இலேசாயுத காலாட் படையணியினால் முன்னாள் போர் வீரருக்கு புதிய வீடு

இலங்கை இலேசாயுத காலாட் படையணி படைத்தளபதியும் உபகரண பணிப்பாளர் நாயகமுமான மேஜர் ஜெனரல் ஜிஎம்என் பெரேரா ஆர்டபிள்யூபீ ஆர்எஸ்பீ யூஎஸ்பீ என்டிசீ, அவர்களின் வழிகாட்டுதலின் கீழ் இலங்கை இலேசாயுத காலாட் படையணி சேவை வனிதையர் பிரிவின் தலைவி திருமதி வஜிர பெரேரா அவர்களின் மேற்பார்வையுடன் 2024 ஆம் ஆண்டு ஜூலை 07 ஆம் திகதி இலங்கை இலேசாயுத காலாட் படையணி போர்வீரர்களுக்கான புதிய வீடமைப்புத் திட்டம் ஆரம்பிக்கப்பட்டது.

திட்டத்தின் முதல் கட்ட திறப்பு விழாவைக் குறிக்கும் வகையில், சி/320316 சார்ஜன் ஆர்பீடீடிஎஸ் இராஜபக்ஷவுக்காக புதிதாக நிர்மாணிக்கப்பட்ட வீடு, 6 வது இலங்கை இலேசாயுத காலாட் படையணி கட்டளை அதிகாரி அவர்களால் இலங்கை இலேசாயுத காலாட் படையணி சேவை வனிதையர் பிரிவின் சிரேஷ்ட உறுப்பினருடன் இணைந்து 2024 ஆகஸ்ட் 22 அன்று திறந்து வைக்கப்பட்டது.

இம்முயற்சியின் மூலம், 11 போர்வீரர்கள் இலங்கை இலேசாயுத காலாட் படையணி சேவை வனிதையர் பிரிவினால் நிதியுதவியைப் பெற்றதுடன் அவர்களது பகுதியளவு கட்டப்பட்ட வீடுகளை நிர்மாணிப்பதற்காக அந்தந்த படையணிகளின் மனிதவள உதவியும் வழங்கப்பட்டுள்ளது.

6 வது இலங்கை இலேசாயுத காலாட் படையணி அதிகாரிகள் மற்றும் சிப்பாய்கள் இவ்விழாவில் கலந்து கொண்டனர்.