75 වෙනි යුද හමුදා දිනය වෙනුවෙන් ශ්‍රීලපාහ සේවාවනිතාවෙන් ඳිලිඳු පවුලකට නව නිවසක්

ආඥාපති ආසේමු (මධ්‍යම) හා පාබල හමුදා රෙජිමේන්තු අධිපති මේජර් ජෙනරාල් වයිඒබිඑම් යහම්පත් ආර්ඩබ්ලිව්පී ආර්එස්පී එන්ඩීයූ පීඑස්සී ජ්‍යෙෂ්ඨ නිලධාරීගේ හා ශ්‍රී ලංකා පාබල හමුදා සේවා වනිතා ශාඛාවේ ගරු සභාපතිනි දර්ශණි යහම්පත් මැතිනියගේ සංකල්පයක් මත 75 වන යුද්ධ හමුදා සංවත්සරයට සමගාමීව අඩු ආදායම් ලාභි පවුලක් වෙත නව නිවසක් ඉදිකර දීමේ මහඟු සත්කාරයකට මුලපුරන ලදී.

ඒ අනුව පහලවත්ත ප්‍රදේශයේ අංක 304/ඒ රණාල, නවගමුව ලිපිනයෙහි පදිංචි අඩු ආදායම්ලාභි පවුලක් වන WA හෂාන් ලහිරු සම්පත් මහතා වෙනුවෙන් ඉදිිකළ නව නිවස භාරදීම 2024.11.20 වන දිනට යෙදුන සුබ මොහොතින් සිදුකරන ලදී.

නිවස ඉදිකිරීම සඳහා මූල්‍ය දායකත්වය රෙම ශ්‍රීලපාහ සේවාවනිතා ශාඛාව හා 2(සෙව්) ශ්‍රීලපාහ සේවාවනිතා ශාඛාව මගින් ලබාදුන් අතර, ශ්‍රම දායකත්වය 2 (සෙව්) ශ්‍රීලපාහ බළඇණියේ සෙබළුන් විසින් ලබාදෙන ලදී.

මෙම අවස්ථාව සඳහා සේවා වනිතා ශාඛාවේ ජ්‍යේෂ්ඨ සාමාජිකාවන් හා 2 (සෙව්) ශ්‍රිලපාහ බළඇණියේ ජ්‍යේෂඨ නිලධාරින් ඇතුළු සෙසුනිලයින් සහභාගි විය.