රණවිරු ක්‍රිඩා කුසලතා සංවර්ධනයට සේවාවනිතා මාහැඟි සත්කාරය

ශ්‍රී ලංකා යුද්ධ හමුදා උපකරණ මාස්ටර් ජෙනරාල් හා පාබල හමුදා රෙජිමේන්තු අධිපති මේජර් ජෙනරාල් ජීඑම්එන් පෙරේරා ආර්ඩබ්ලිව්පී ආර්එස්පී යූඑස්පී එන්ඩීසී ජ්‍යේෂ්ඨ නිලධාරීගේ හා සේවා වනිතා ශාඛාවේ ගරු සභාපතිනි වජිරා පෙරේරා මැතිනියගේ උපදෙස් හා මගපෙන්වීම මත ශ්‍රීලපාහ බළඇණි වෙත ක්‍රීඩා භාණ්ඩ බෙදාදීම 2024.08.10 වන දින රෙජිමේන්තු මධ්‍යස්ථාන දේශණශාලාවේදි සිදු කෙරිණි.

යුද හමුදා සක්‍රීය සේවයේ යෙදී සිටින රණවිරුවන්ගේ ක්‍රිඩා කුසලතාවයන් වර්ධනය කිරීම සහ මනා සෞඛ්‍ය තත්වයකින් පිරිපුන් රණවිරුවන් පිරිසක් බිහි කිරිමේ අදිටනින් යුතුව ශ්‍රි ලංකා පාබල හමුදාවට අයත් සියළු ඒකකයන් වෙත ක්‍රිඩා උපකරණ බෙදාදීම සිදු කරන ලදී තවද මෙම වැඩසටහනට සමගාමීව වකුගඩු රෝගයකට ලක්ව ඇති විශ්‍රාමික මේජර් ඩීඩීඑන් රත්නායක ආර්ඩබ්ලිව්පි ආර්එස්පි ශ්‍රිලපාහ ජ්‍යේෂ්ඨ නිලධාරිගේ බිරිඳගේ වකුගඩුවක් බද්ධ කිරීමේ ශල්‍ය කර්මය වෙනුවෙන් රු: 200000.00 ක වෛද්‍යාධාර මුදලක්ද පරිත්‍යාග කිරීමද මෙදින සිදු කරන ලදී.

මෙම සත්කාරක අවස්ථාව සඳහා සේවාවනිතා ගරු සභාපතිනිය සහ ජ්‍යේෂ්ඨ සාමාජිකාවන්ද, රෙජිමේන්තු මධ්‍යස්ථාන සේනාවිධායක බ්‍රිගේඩියර් ජේකේආර්පී ජයසිංහ ආර්ඩබ්ලිව්පී ආර්එස්පී යූඑස්පී ජ්‍යේෂ්ඨ නිලධාරී ප්‍රමුඛ නිලධාරීන් හා සෙසුනිලයින් පිරිසක්ද සහභාගී වූහ.