30th April 2024 06:53:45 Hours
ශ්‍රී ලංකා පාබල හමුදා 17 වන රෙජිමේන්තු අධිපති මේජර් ජෙනරාල් ජිඑම්එන් පෙරේරා ආර්ඩබ්ලිව්පි ආර්එස්පි යුඑස්පි එන්ඩිසි ජ්‍යේෂ්ඨ නිලධාරී රෙජිමේන්තු අධිපති ධූරයේ රාජකාරී භාර ගැනීමෙන් පසු සාම්ප්‍රදායානුකූලව සිදුකරනු ලබන බළඇණි සංචාරයේ තෙවන අදියර සනිටුහන් කරමින් 2024 අප්‍රේල් මස 28 වන දින එකොලොස්වන බළඇණිය ශ්‍රීලංකා පාබල හමුදාවේ නිරීක්ෂණ සංචාරයක් සිදුකරන ලදී.
මෙම සංචාරයේදි 11 ශ්‍රීලපාහ බළඇණියේ අණදෙන නිලධාරී මේජර් කේවීඑස්එස් විතානගේ යුඑස්පී පීඑස්සී ශ්‍රීලපාහ ජ්‍යේෂ්ඨ නිලධාරී විසින් තම බළඇණිය වෙත සපැමිණි රෙජිමේන්තු අධිපති මහත් ගෞරවයෙන් යුතුව පිළිගන්නා ලදි. මෙම සංචාරයේදී රෙජිමේන්තු අධිපති විසින් සියලුම භඨ පිරිස් අමතමින් සෙබළ විනය, රැකියා සුරක්ෂිත භාවය, පුද්ගල ආරක්ෂාවේ නිතීය, මත්පැන්/මත්ද්‍රව්‍ය අවභාවිතය, වැටුප් කළමනාකරණය, වෘත්තිය නිපුනත්වය තුලින් සාර්ථක සොල්දාදුවෙකු බිහි කිරීම යන කරුණු පදනම් කරගනිමින් හරවත් දේශණයක් සිදු කරන ලදී.
එමෙන්ම මෙම සංචාරයේදී බළඇණියේ ඉදිරි සංවර්ධන කටයුතු සහ සෙබළුන්ගේ සුබසාධනය තවදුරටත් පුළුල් කිරීම සඳහා අවශ්‍ය උපදෙස් සහ මඟපෙන්වීම් ලබාදීමෙන් පසුව රෙජිමේන්තු අධිපති සිය බළඇණි සංචාරය නිමකරන ලදී.
