රණවිරු දිරියට සේවාවනිතාවෙන් අත්වැලක්

ආඥාපති ආරක්‍ෂක සේනා මුලස්ථානය (මධ්‍යම) හා පාබල හමුදා රෙජිමේන්තු අධිපති මේජර් ජෙනරාල් ජීඑම්එන් පෙරේරා ආර්ඩබ්ලිව්පී ආර්එස්පී යූඑස්පී එන්ඩීසී ජ්‍යෙෂ්ඨ නිලධාරීගේ හා සේවා වනිතා ශාඛාවේ ගරු සභාපතිනි වජිරා පෙරේරා මැතිනියගේ උපදෙස් හා මඟ පෙන්වීම මත 2024.07.06 වන දින රෙම ශ්‍රීලපාහ රණවිරු අර්ධ නිවාස වැඩසටහන ආරම්භ කරන ලදි.

යුද හමුදා සක්‍රීය සේවයේ යෙදී සිටින තම නිවස ඉදිකර ගැනීමේ කටයුතු අවසන් කර නොමැති රණවිරුවන් වෙනුවෙන් මෙම වැඩපිළිවෙල ක්‍රියාත්මක වන අතර, ඉන් මුලික අදියර යටතේ තෝරාගත් රණවිරුවන් අතුරින් 4 ශ්‍රීලපාහ ඒකකයට අයත් සෙ/319087 සැරයන් කුමාරගේ කේඩිආර් යන රණවිරුවාගේ නිවස සේවා වනිතා ශාඛාවේ මුල්‍යමය දායකත්වයෙන් හා 4 ශ්‍රිලපාහ ඒකකයේ රණවිරුවන්ගේ ශ්‍රම දායකත්වයෙන් ඉදිකිරිම් කටයුතු අවසන් කර 2024.10.05 වන දින 1058 පැයට සුභ මොහොතින් ඒකක අණදෙන නිලධාරි හා සේවා වනිතා ශාඛාවේ ජ්‍යෙෂ්ඨ සාමාජිකාවන්ගේ ප්‍රධානත්වයෙන් විවෘත කරන ලදි.