ශ්‍රීලපාහ සේවාවනිතා ශාඛාවේ මුල්‍යාධාරයෙන් රණවිරුවන් හට නිවාස තනාදිමේ වැඩපිළිවෙලෙහි තවත් එක් අධියරක්

ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් ටීජේ කොඩිතුවක්කු ආර්ඩබ්ලිව්පී ආර්එස්පී එන්ඩීයු යන ජ්‍යේෂ්ඨ නිලධාරිතුමන්ගේ සංකල්පයක් මත ශ්‍රීලපාහ සේවා වනිතා ශාඛාවේ ගරු සභාපතිනි ශීරෝමාලා කොඩිතුවක්කු මැතිණියගේ පුර්ණ මගපෙන්වීම මත ක්‍රීයාවට නංවන ලද ශ්‍රීලපාහ රෙජිමේන්තුවේ සියළුම ඒකකයන් නියෝජනය වන පරිදි එක් ඒකකයක් විසින් නිවසක් නොමැති රණවිරුවෙකු හට නිවසක් ඉදිකර දීමේ මහඟු සත්කාරයේ දෙවන පියවර යටතේ 16 (සෙව්) ශ්‍රීලපාහ ඒකකයේ ශ්‍රමදායකත්වයෙන් අංක 16, ෆ්ලවර්ස් ටෙරස්, නායාගොඩ, රත්ගම ලිපිනයේ පදිංචි එම ඒකකයට අයත් සෙ/16ඩී00503 කෝප්‍රල් ද සිල්වා එස්එන්පී හට රු. 2,000,000.00 ක් වටිනා නව නිවසක් ඉදිකර 2021.08.12 වන දින 1500 පැයට යෙදුන සුභ මොහොතින් නිවාසලාභී කොනොනි හට නිවසේ යතුර රෙජිමේන්තු මධ්‍යස්ථානයේ මාණ්ඩලික නිලධාරි 1 (පාලන) ලුතිනන් කර්නල් ඕඑන් මානගේ ආර්එස්පී ශ්‍රීලපාහගේ සුරතින් භාරදෙන ලදී. තවද මෙම උත්සවය ඉතා චාම් අයුරින් සිදුකරන ලද අතර එය දැනට රටේ පවතින කොරෝනා පැතිරීම වැලැක්වීමේ නීතිරීතීන්ට අනුකුලව සිදුකරන ලදී.