09th March 2024 13:00:40 Hours
සේවා වනිතා වනිතා ශ්‍රීලවියාඉබ ශාඛාව වෙතින් සිදු කරනු ලබන සුභසාධන කටයුතු වඩාත් පුළුල් කරමින් සේවා වනිතා ශ්‍රීලවියාඉබ ශාඛා ගරු සභාපතිතුමියගේ සංකල්පයක් මත දුෂ්කර පලාත්වල වෙසෙමින් තම දිවි කතර ගෙවා දමන්නට මහපොලොව සමඟ උරෙනුර ගැටෙනා දිරිය මිනිසුන් හට ශක්තියක් වීමේ අරමුණින් පොලොන්නරුව ප්‍රදේශයේ ඉතාමත් දුෂ්කර පාසලක් වන සීගිරිය ඉලුක්වැව කණිෂ්ඨ විද්‍යාලයෙහි ඉගෙනුම ලබන සියළුම දූ දරුවන් හට රුපියල් ලක්‍ෂ හතරකට අධික වටිනාකමකින් යුත් පාසල් අභ්‍යාස පොත් හා පාසල් උපකරණ පිරිනැමීමේ වැඩසටහනක් සේවා වනිතා ශ්‍රීලවියාඉබ ශාඛා ගරු සභාපතිනී නන්දනී සමරකෝන් මැතිණියගේ ප්‍රධානත්වයෙන් 2024.03.08 දින සීගිරිය ඉලුක්වැව කණිෂ්ඨ විද්‍යාලීය පරිශ්‍රයේදී පැවැත්වීමට කටයුතු කරන ලදී.
3 වන බළඇණිය ශ්‍රීලවියාඉබ හා ශ්‍රීලවියාඉ(කාලතුවක්කු) බළඇණිය සමඟ සම්බන්ධතාවයෙන් යුතුව සංවිධානය කරන ලද මෙම වැඩසටහන සඳහා සේවා වනිතා ශ්‍රිලවියාඉබ ශාඛාවේ ජ්‍යෙෂ්ඨ සාමාජිකාවන්/සෙසු සාමාජිකාවන් විශාල පිරිසක් සහ නියෝජ්‍ය මාණ්ඩලික ප්‍රධානී සහ ශ්‍රීලවියාඉබ බළකාධිපති මේජර් ජෙනරාල් ඉන්දු සමරකෝන් එච්ඩීඑම්සී එල්එස්සී ඇතුළු ජ්‍යෙෂ්ඨ නිලධාරීන්, නිලධාරීන් මෙන්ම ගුරු කාර්යය මණ්ඩලය හා පාසල් අභ්‍යාස පොත්/පාසල් උපකරණ ලබා ගැනීමට පැමිණි දූ දරුවන්/ඔවුන්ගේ දෙමව්පියන් ද සහභාගී විය.
