09th April 2025 15:49:29 Hours
පනාගොඩ විරු කැකුළු පෙර පාසලේ අලුත් අවුරුදු උත්සවය 2025 අප්‍රේල් 08 වන දින පනාගොඩ ශ්‍රී ලංකා සංඥා බලකා ක්‍රිඩා පිටියේදී ප්‍රීතියෙන් සමරනු ලැබීය. මෙම අවස්ථාවට ආරක්ෂක සේනා (බටහිර) ආඥාපති මේජර් ජෙනරාල් යූ කේ ඩී ඩී පී උඩුගම ආර්ඩබ්ලිව්පී ආර්එස්පී යූඑස්පී එන්ඩීසී පීඑස්සී සහ එම මැතිණිය, පනාගොඩ විරු කැකුළු පෙර පාසලේ ජ්‍යෙෂ්ඨ කාන්තා භාරකාරිනි උදාරි අනුපමා ගමගේ මහත්මිය සහභාගී වූහ.
මෙම උත්සවයට ළමුන් 196 දෙනෙකු සහ ගුරුවරුන් 15 දෙනෙකු සහ අභ්‍යාසලාභී ගුරුවරියන් 3 දෙනෙකු සහභාගී වූහ. මෙම උත්සවයට ආකර්ශනීය නාට්‍යයක්, සාම්ප්‍රදායික හා නවීන නැටුම් සහ විවිධ අලුත් අවුරුදු ක්‍රීඩා ඇතුළු සජීවී රංගනයන් සහ ක්‍රියාකාරකම් රාශියක් ඇතුළත් වූ අතර අලුත් අවුරුදු චාරිත්‍ර වාරිත්‍ර හා සිරිත් විරිත් වලට ගරු කිරීම කෙරෙහි විශේෂ අවධානයක් යොමු කරන ලද අතර, ඒ සියල්ල පෙර පාසලේ දරුවන් විසින් උද්යෝගයෙන් ඉදිරිපත් කරන ලදී. මෙම අවස්ථාව සැබවින්ම එකමුතුකම සම්ප්‍රදාය පිළිබිඹු කරමින් නිර්මාණශීලිත්වය සහ ප්‍රීතිය විදහා දැක්වීය.
මෙම අර්ථවත් අවස්ථාව නව වසරේ උත්සව ආරම්භය සනිටුහන් කළා පමණක් නොව, දරුවන්, ගුරුවරුන්, පවුල් සහ හමුදා ප්‍රජාව අතර බැඳීම් ශක්තිමත් කරමින්, මෙම ක්‍රියාකාරකම් හරහා සහයෝගීතාවය වර්ධනය කළේය. උත්සවය අවසානයේ, දරුවන්ට තෑගි ප්‍රදානය කරන ලද අතර, එය අමතර ප්‍රීතියක් එක් කරමින් සැමරුම වඩාත් අමතක නොවන එකක් බවට පත් කළේය.
මෙම අවස්ථාවට ආරක්ෂක සේනා මූලස්ථානය (බටහිර) බ්‍රිගේඩියර් ප්‍රමානි, බ්‍රිගේඩියර් පාලන භකාස, කර්නල් ප්‍රමානි, කර්නල් පාලන භකාස සහ ප්‍රධාන සිවිල් සම්බන්ධීකරණ නිලධාරි ඇතුළු ජ්‍යෙෂ්ඨ නිලධාරීන් කිහිප දෙනෙකු සහභාගී වූහ.
