144 පාබල බළසේනාවේ භටපිරිස් විසින් පිරිසිදු කිරීමේ වැඩසටහනක් පවත්වයි

අතිගරු ජනාධිපතිතුමාගේ දැක්ම යටතේ ආරම්භ කරන ලද ‘ක්ලීන් ශ්‍රී ලංකා’ වැඩසටහනට සමගාමීව බත්තරමුල්ල ඩෙන්සිල් කොබ්බෑකඩුව මාර්ගය දෙපස කසළ ඉවත් කිරීමේ සහ පිරිසිදු කිරීමේ වැඩසටහනක් 144 පාබල බළසේනාව විසින් ක්‍රියාත්මක කරන ලදී.

14 පාබල සේනාංකයේ සේනාංකාධිපති මේජර් ජෙනරල් කේ.ජේ.එන්.එම්.පී.කේ. නවරත්න ආර්ඩබ්ලිව්පී ආර්එස්පී එන්ඩීයූ ගේ මඟපෙන්වීම යටතේ සහ 144 පාබල බලසේනාවේ බලසේනාධිපති බ්‍රිගේඩියර් බී.වයි.සී. ප්‍රනාන්දු ආර්ඩබ්ලිව්පී යූඑස්පී ගේ අධීක්‍ෂණය යටතේ 2025 ජනවාරි මස 11 දින මෙම පිරිසිදු කිරීමේ වැඩසටහන ක්‍රියාත්මක කෙරුණි.

මෙම වැඩසටහන එදින පෙ.ව. 0600 සිට පෙ.ව. 0800 දක්වා පැවති අතර, ඊට 144 පාබල බළසේනාවේ නිලධාරින් 02 ක් සහ සෙසු නිලයන් 74 දෙනෙකු සහභාගි වූහ.

රජය විසින් ක්‍රියාවට නංවන ව්‍යාපෘතිය සාර්ථකත්වයට පත්කිරීම වෙනුවෙන් යුද්ධ හමුදාවේ දායකත්වය මෙම වැඩසටහනින් පිළිඹිඹු විය.